Rom 6:12 - Nobonob Baibel

¹² Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 6:12 ပူးပေါင်းရင်းမြစ်များ

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Sam 19:13

Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.

Lewitikas 13:40

Am danab laa nug ikki uɗug tataɗeb ukkeb, bikkab nekku dayeb amu, nug am Kayak ele ouqa dayaknu elele daatte.

Namba 33:55

Amge ag danab wan amuppa daatteb ele ii lamadppeg amu, danab amu ag geha qaun amelag yaatte, ag amubia ag oolagppa daaglag. Ao, ag geha danab nug qaun qetti yaatte, amubia ag oolagppa daaglag. Ag geha wan ag daaglag ele, amuppa daanna, uug mattaglag.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 6:14

Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Rom 6:16

Am ag imu iite dootteb? Haen ag beɗulag danab laa mettona, nuhig nai dim lamidna amu, ag aakku nuhig begbeg maɗi nid daatteb. Am ag eheɗ hak kobolnu begbeg maɗi nid daatteb dayeb, ag mauhak amuppa aoglag, o iitta ag Kayak oɗe dim lamittaknu kobolnu begbeg maɗi nid daatteb dayeb, ag genab tutukku hak danab daaglag.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 8:13

Aɗinu? Ag oolag alag dim lamidkkulag amu, ag mauhkkulag, amge ag Kayak Ouɗinu ɠagattagppa beɗunu kobol dimettan, ii dim lamidkkulag dayeb, ag bau daaglag.

2 Korint 4:11

Yo, ig bau daattem ele, haen oh ig bau daat, Jesusnu dabmak anuqak aot daautut, Jesusnu bau dayak ig mauhaknu beɗunig imuppa miag atiak bekkunu, danab ag ig iqappeg mauhkkunignu hetteb.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

Galesia 5:16

Da inam attem. Kayak Ouɗi Nug oiyak ahilag gumebeb, ag Nug dim lamidna oiyeg! Ag anam hena amu, ag beɗunu kobol ii dim lamidmana.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Duteronomi 7:2

Yawe, ahilag Kayak, haen Nug danab amu diia, ag eppelagppa meeb, ag eɗadkkulag amu, ag heppeg, ag Yawenuib nuhig pelemppa daaglagoitte! Ag aib danab amu ele layam batan daaglagnu nug tituanna, ahilagnu oolag gai-iitta doon, oolag mattan ehanadppig.

1 Tesalonaika 4:5

ag iitta aɗi, ag Kayak ii dootteb ele, ag gappai hekkulagnu oo ahak nau dootteb, ag amubia ii hemananu,

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

Ikki Danab 2:3

Haen amuppa ele da nai imu ami. ‘Ag da oɗel ii dim lamidkkulag dayeb, da danab wan imuppa daatteb, da heppi, ag Israel ag ii lamadmana. Da amu ii hepa amunu, danab ah amu ag daanna, ag am danab nug qaun qettippa guittak medatte bia, ag eheɗ hadappeppeg, ahilkad kayak am pelem bia, ag aguppa tena, eheɗ aoglagnu daaglag,’ awe ami. ⌊Am gemu anamib daakku⌋,” awa aum.