Rom 5:7 - Nobonob Baibel

⁷ Amu danab laippu laa nug genab tutukku hak danab ehanitta, nuhignu mauhkku amu iitta bia, amge deɗ laippu laippu danab laa nug oo ɠagattag qetta, danab ena laa ehanitta, nuhignu mauhkkutai,

Rom 5:7 ပူးပေါင်းရင်းမြစ်များ

2 Samuel 18:27

King anam a, aɗi uɗitte anittak danab nug aum. “Da anidttem amu, danab anuqa uɗitte, nuhig qaiettak am Sadok bekka Ahimasnu qaiettak bianab,” awa aum. A amu, king nug aum. “Ahimas nug am danab ena. Nug nai ena awa uɗitte,” awa aum.

2 Samuel 18:3

Nug amelagppa anam aum, amge ag eɗun appig. “Iitta! Na ig ele aib gomut. Aɗinu? Apsalom aɗi ag ig eɗigna heppeg, ig oolkkunig dayeb amu, ag ihinignu dab-ii-memana. Ag iqappeg, ig kuɗumnab mauhkkunig dayeb amu, ag amunu keeke okkai ii doomna. Ag ig oonigppa danab 10,000 aqappeg, na bau daakkut dayeb amu, ag oolag gamag ii ahama, amge ag naib nidappeg mauhkkut amu, ag oolag huana gamag ahakku. Anam daamanu, na aab okkaippa ippa daanna, ippa na ehanikkak megakkut am ena. Na banppa gokkut am ena iitta,” aon appig.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Jon 15:13

Laa nug laikkud dilag dabma, nuhig bau dayak paɗatte amu, oo mauhak kobol amuam oo mauhak kobol laa oh eɗidtte.

Aposel 11:24

Barnabas nug danab ena, Kayak Ouɗi nug ooppa ambak daye, nuhig ooppa genab doyak am ele ɠagattag amunu nug danab ah ehanattette, danab ah kuɗumnab ag Naɗinu oolagppa genab dooppig.

Rom 16:4

Aa da mauhpanu amu aa mauhak ib oɗeppanab oiyya ehaniɗpiɗ. Da aa amelahppa, “Ena hepiɗ,” awe attem, amge da dakka anam ii hettem. Iitta! Iitta aɗi dilag Kristen tamaniak oh ele ag anam dootteb.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

Rom 5:8

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.