Rom 5:10 - Nobonob Baibel

¹⁰ Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Rom 5:10 ပူးပေါင်းရင်းမြစ်များ

2 Stori 29:24

Ag amu heeg, mana mettak danab ag meeme amu baalag otaɗatteg mauheg, ag tiilag ib etta hipunin haknu ofa daakkunu qaɗabppa Yawe medappig. Mana mettak danab ag tiig amu Yawe medappig, amuppa ag heppeg, eheɗ haknu nob nau doɗ amu tiigppa iitta mekkunu Israel danab oh dilagnu elele medakkunu heppig. King nug mana mettak danab ag manaknu ofa, amu ib etta hipunin haknu ofa ele Israel oh dilagnu hekkulagnu aum amunu, ag amu heppig.

Esekiel 45:20

Amu kalam amunu deɗ eblaih aɗitppa ele Israel dilag okkai nug digmakppa heum bianab eɗua, danab o ah nug ii doyaya, hipunin heumte, o nug ɗo ii doya hipunin heumte, nug aakku hipunin heum amunu, nug eɗua, beɗuppa aab iitta daakkunu nug anam hekku. Amu ib amuppa ag heppeg, da laul am dahil neekkakppa oppiaawak daakku.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Jon 5:26

Mama Nug nukka nuhig bauklel ele, amubia Nug Bekka da, da ele da dakka dahil bauklel ele daakkulnu meɗom.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 6:57

Mame, Nug bauklel daatte ele, Nug da meiɗe uɗimi amu, da nuhigppa bau daattem amubia, aun nug da laiɗtte amu, nug dahilppa bau daatte.

Rom 11:28

Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

Rom 8:32

Nug Bekka ig megakkunu amu Nug amunu oo ii qe, Nug ig oh ehanigkkunu me uɗiom. Nug anam heum amunu geha, keeke laa oh ele amu, Nug ig iite megakku? Yo, Nug megakku.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Epesus 2:16

Nug ad emaitakppa mauhom, amuppa ameg aɗit amu ouaqate, aa laippu daattep. Ad emaitak amuppaib Nug kekeɗ kobol qe iitta me, Nug danab amu oh omalatta, Kayak toppa ukkom.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.