Rom 5:1 - Nobonob Baibel

¹ Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Rom 5:1 ပူးပေါင်းရင်းမြစ်များ

Job 21:21

Aɗinu? Danab amu nug wan uua ukkak dimppa, nug baekkud dilagppa aɗi bekku dabmettete? Iitta. Ao, nuhig haen iitta mak dimppa, nug baekkud dilagppa aɗi bekku dabmettete? Iitta.

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Aisaia 27:5

Amge dahilad danab ah dilag kekeɗ ag da ahilag padal mak eɗitteb ena dayaknu ehanittak daakkulnu oolag daatte dayeb amu, ag da ele maɗoɗ daagnignu unuqiɗkkulagoitte. Ao, ag da ele maɗoɗ daagnignu unuqiɗkkulagoitte,” awa aum.

Aisaia 32:17

Genab tutukku hak kobol dim lamittak am maɗoɗ heeb bekku. Ao, genab tutukku hak kobol dim lamittak am maɗoɗ, baɗak iittappa dayak ele heeb beya, hanhan daaglah.

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Sekaraia 6:13

Nug Yawenu mettid lag hekku. Da heppi, nug danab dagom onig ɠagattag ele daakku. Nug nuhig sia kingppa dayaya, danab ah gumadkku. Mana mettak danab laa nug danab amunu sia king heqo laih dayaya ehanittebeb, aa oh maɗoɗ, dabmak laippu ele uɗat hekkulah.” Yawe Nug nai amu da meɗom.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Rom 10:10

Amunu diig am, danab nug nuhig oo unuqagppa ⌊Jesusnu⌋ ooppa genab dootte, amuppa ⌊Kayak he,⌋ nug genab tutukku hak danab daatte. Ge, danab nug oɗeppa nuhig ooppa genab doyaknu maditte, amu ooppa genab doyak amuppa Kayak Nug danab amu eɗua aotte.

Rom 10:15

Amu laa ag mehuqak danab laa ii otialadna maadppeg gokkulag amu, ag attem hena, nai mehuqkkulag? Kayak naippa, nai daatte bia. “Danab laa nug uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb,” awa atte.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 15:33

Kayak, Nug am maɗoɗ diig, Nug ag oh ele daaglagnu ool daatte. Genab.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

Rom 4:5

Amge danab nug nukka, nuhig uɗatnu, nug ib amuppa genab tutukku hak danab bekkunu ii dabmette, iitta, nug Kayaknu ooppa genab dootte, Kayak Nug he eheɗ hak danab ag genab tutukku hak danab daatteb amu, Nug danab amu nuhig ooppa genab doyak antta, “Nug am genab tutukku hak danab,” awa atte.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Rom 5:18

Amunu danab laippu nug ɗo laippu tippalom, amuppa danab oh ag hipuninnu nob nau aoglagnu daatteb, amubia danab laippu laa Nug kobol genab tutukku ele laippu he, amuppa Nug danab oh ag genab tutukku hak danab, bauklel ele daaglagnu ib ooɗom.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Galesia 3:25

Gemu Jesus Kristus Nug uɗat nuhig ha malom daatte, nuhignu ooppa genab doyaknu ib aakku daatte amunu, ɗo nug baula gumikkak danab ihinig ii daatte.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Kolosi 1:20

Kayak Nug wanppan keeke oh, hab aabppanu keeke oh ele heeb, ag Nug ele oolag laippu daaglagnu oo dayom. Anam oo dayom amunu, Nug Kristus ad emaitakppa mauhehe, tiig gokkaɗe, Kristus tiigppa amu Nug nuhikkud kekeɗ oh amu ebehilag okkule, maɗoɗ daatte.

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!