Rom 4:21 - Nobonob Baibel

²¹ Nug doya malom, Kayak Nug haen matu keeke hekkunu nai qakka aum amu, Nug amu hekkunu elele.

Rom 4:21 ပူးပေါင်းရင်းမြစ်များ

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Jeremaia 32:27

“Da am Yawe. Da danab oh dilag Kayak daattem. Keeke laa haknu uug nau ele amu, uug amu nug da eɗile, da hekkulnu elele iitta daattemte? Iitta!” awa atte.

Matyu 19:26

Ag anam aeg amu, Jesus Nug ag tutukku neekkattatta, amelagppa aum. “Danab ag akka elele iitta, amge Kayak Nug keeke oh hekkunu elele,” awa aum.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Luk 1:37

Antte! Kayak Nug keeke oh hekkunu elele,” awa aum.

Luk 1:45

Naɗi a, na ootppa genab doome amunu, na Naɗinu itittak ena aome daattem. Nug aum amu, amuam genab anam bekku.” Elisabet nug anam aum.

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Rom 14:5

Aria, danab laa nug deɗ laippunu, amuam deɗ gunnab, deɗ laala eɗattak dootte, amu danab laa nug deɗ oh am iɗu laippu anam dootte. Anam amge danab oh ag anen anen ag kobol atten am tutukku amu, ag ahilag dabmakppa dabmak aon, aɗi kobol am tutukku doon autna aweg!

Rom 8:38

Amu da imu oolppa genab doottem. Ig Kristusnu oo mauhakppa daattem amunu, aɗitai keeke laa iinab amuppanu matakkigma. Ge, mauhak, o iitta bau dayak, o iitta engel ena ag, o ouɗi nau ag, o iitta gemu haen imu aɗi keeke bette, o iitta butti keeke aɗi aɗi bekku, o iitta aɗi keeke ɠagattag ele ag,

2 Korint 9:8

Amu ag haen oh bau daaglagnu keeke ohppa eleleib daanna, ag keeke kuɗumppa uɗat ena oh hekkulagnu, Kayak Nug heeb, ehanittak okkai hamu mettak oh ag tuɗitta tonadkkunu elele.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Hibru 11:13

Abraham aɗi amu ag ahilag ooppa genab doyak amuib aɗan mauhppig. Ag Kayak keeke madakkunu nai qakka aum, nai amuib aoppig daanna mauhppig; keeke amu ii aoppig, amge butti aɗi keeke amuam bekkunu genab anidppig. Ag appig. “Ig am wan laihnu danab uɗit daatteb bia daattem; wan imuam ig appanig diignab iitta,” aon appig.