Rom 4:17 - Nobonob Baibel

¹⁷ Amuam Kayak naippa, nai Abrahamnu inam daatte bia. “Da heppi, na wanppan wan laala kuɗum mamelag daakkut.” Abraham, nug Kayaknu ooppa genab doyom, amu Kayak Nug nuhignu, nug am ig oh ig mamenig daatte dabmette. Kayak Nugib danab mauhppig ele bauklel madatte amu, Nug keeke ii beppig ele, keeke beppig bia onilagppa ette.

Rom 4:17 ပူးပေါင်းရင်းမြစ်များ

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Genesis 17:20

Aria, na Ismaelnu ame amu, na ame am da doomi. Da nug ele itidkkul. Da heppi, nug buɗub elab bekku. Danab okkai 12 nug buɗub ooppa bekkulag, amu nug buɗupud ag appatna, huu okkainab, ɠagattag ele daaglag.

Genesis 28:3

Da Kayak Nukka Ɠagattag Oh Ele Nug na ititteb, na buɗunad kuɗumnab bena, huu okkai anen anen oh laippu daaglag,

Aisaia 43:6

Da danab ah ag yawalti uɗitteppanu daatteb, da ag amelagppa, ‘Ag dahilad danab ah paɗadppeg, ag eɗun wanelagppa ukkeg!’ appi dooglag. Amu danab ah yau uɗitteppanu daatteb amu, da ag amelagppa, ‘Ag danab ah dahilad aib aɗualadppig!’ appi dooglag. Da wan ohppa, dahilad danab ah aguppa daatteb ele, da amu amelagppa ag dahilad danab ah omaladppeg, ag eɗun, ahilag wanppa uɗiglagnu appi dooglag.

Aisaia 44:7

Aun laa da hemi bia laa heum daattete? Anam dayeb amu, nug mattiaɗ! Ao, laa anam heum dayeb amu, aria nug da noolppa dayaya, amunu oh mattieb doyei! Aun aɗi ag anukkanab keeke ii beumnu haenppa mattieg doomut? Aun aɗi ag butti aɗi attem bekku amu madippeg doognig.

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Aisaia 51:2

Ag ag mamelag Abraham neegna antteg! Ag Sarah, nug ag alalag ah tatamnu, nuhigppanu ag doppig amu, ag neegna nug atteg! Aɗinu? Da Abraham onigppa emi, haen amuppa amu nug nukka laippu dayom, amge da nug ititten hei, nug buɗub kuɗum beppig,” awa atte.

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

Matyu 3:9

Amu ele, ag oolagppa inam akkulagnu aib dabmeppig. ‘Abraham nug ig mamenig, nug am genab tutukku hak danab, ig nug buɗub daattem amunu, nuhig hak enappa ig nob ii aomta.’ Da ag amelagppa attem, Kayak Nug men imu ag eɗun, Abraham bekkod daaglagnu hekkunu elele.

Jon 5:21

Mama Nug laa mauhppig maɗatte ahaeg, bau dayak madatte, amubia Nug Bekka da, da ele aun aɗi bau dayak madakkulnu dabmaknab aottem amu, da madattem.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Rom 3:29

Amu attemu? Kayak Nug am Juda dilagib Kayakte? Nug iitta aɗi dilag Kayak ele iite daatte? Yo, Nug am iitta aɗi dilag Kayak ele daatte.

Rom 4:18

Amu Kayak Nug Abraham nugnab bekka laa menukkunu a, Abraham amu doya, nug ooppa genab doyom. Keeke amu bekkunu am ib iitta, amge Kayak Nug Abraham bekka laa medakkunu a, Abraham nug ooppa genab doyom amunu, nug wanppan wan laala kuɗum mamelag beum; amuam Kayak Nug Abraham amegppa ⌊buɗupud kuɗumnab, hoɗoppai kuɗum daatteb bia daaglagnu⌋ inam aum bia. “Na buɗunad amu, geha ag anam daaglag,” awa aum.

Rom 4:2

Abraham nug ɗo dim lamittom, amuppa nug genab tutukku hak danab beum daakku amu, nug nukka nug onig humakkunu ib daakku; amge Kayaknu neekkakppa am anam ii daatte.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 9:11

amge Kayak Nug danab tituanadtte, Nug nug tituana nai qakkak amu danabnu uɗat dabmedatta ii hette, Nug nukka nuhig doyak dim lamitta hette ele amu, Nug amu miag atiak daakkunu, haen aa anilah nid aɗit amu ii menuatom amunu, aa kobol ena, kobol eheɗ laa ii hepiɗ ele,

Rom 9:26

Amu Hoseanu nai laa am, “Aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.” Hosia nug Kayak oɗe anam awa yom.

1 Korint 1:28

Aria, Kayak Nug wan imuppan keeke onig iitta, keeke wan imuppan danab ag amunu ena iinab dootteb, keeke ag amunu hamunab dootteb, Kayak Nug amuppa heeb, keeke wanppan danab ag amunu keeke okkai dootteb ele, amu iitta mekkulagnu diia tituanattom.

1 Korint 15:45

Kayak naippa, nai amunu inam daatte. “Danab Kayak digmakppa heum, onig Adam amu, Kayak he, nug am bau dayom.” Amge dimppanu Adam, Nug am Ouɗi laa, bauklel megatte.

1 Timoti 6:13

Kayak, Nug keeke oh bau madatte ele, Nug noobppa amu Kristus Jesus, Nug Pontius Pailat amegppa nuhig diig tutukku mattiom amu, Nug noobppa ele da nai imu na hekkutnunab medattem.

Hibru 11:12

amunu, danab laippu amu nuhigppa danab appatna, kuɗumnab daatteb. Nug am mauhom bia dayom, amge nug buɗub ag gemu ebqaknu elele iitta daatteb. Ag hoɗoppai habppa daatteb dilag ebqak bia, amu yu ihippa abuɗnu ebqak bia daatteb.

Hibru 11:3

Ig Kayaknu oonigppa genab doottem amunu, ig imunu maittak aottem. Kayak Nug oɗeppa haknunab nai aawo, wan, hab, atu, keeke oh ele beppig daatteb amunu, keeke ig gemu anidttem, keeke amu oh am keeke ig anidkkunignu elele, am amuppa ii beum.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

2 Pita 3:8

Amge keeke laippu imu amu, ag aib daulag atiom. O lailad, Naɗinu neekkakppa amu deɗ laippu amu maɗ 1,000 ele otiak laala ii daatte. Iitta. Nuhig neekkakppa Nug haen aɗit amu laippuib bia dootte. Maɗ 1,000 amu deɗ laippu bia daatte, amu deɗ laippu amu maɗ 1,000 bia daatte.