Rom 4:11 - Nobonob Baibel

¹¹ Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.

Rom 4:11 ပူးပေါင်းရင်းမြစ်များ

Genesis 17:24

Abraham nug maɗ 99 dayeye,

Sam 47:9

Wan atu ohppanu danab okkai ag danab ah Abrahamnu Kayak dim lamidtteb ele, ag Nug ⌊binag okkai mekkulagnu⌋ uɗin, Kayaknu danab ah ele laippu qagmena daatteb. Aɗinu? King laa oh ag ele Kayak waappaib daatteb, Nug ag gumadtte. Kayak Nug attannab daatte. Nug keeke laa oh eɗadtte.

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Eksodas 31:13

“Na Israel danab ah amelagppa inam a! ‘Ag dahil Sabat ohnu amu, ag deɗ amu dabmenana, da ɗo deɗ amunu mattami amu, ag amu dim lamitteg! Aɗinu? Da am Yawe, da hei, ag dahilnu tituanak daatteb, amu Sabat deɗ, deɗ amuam da ag ele gamagppa amunu at hanhan, buɗub buɗub doobob, anamib daakku.

Eksodas 31:17

Ao, Sabat deɗ amu, da hei, da ag Israel ele nug tituanta nai qakkamut amu, Sabat deɗ am tituanak amunu at hanhannu daakku. Aɗinu? Da, Yawe, da deɗ eblaih laippu ele uɗat hei ukke, hab, wan ele hewoya, am deɗ eblaih aɗitppa uɗat oh malak daye, da hik aomi,’ ” awa aum.

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Esekiel 20:20

ag dahil Sabatnu am dahilnu tituanak daatte dabmenana, ɗo da deɗ amunu mattami ele dim lamitteg! Ag anam hekkulag dayeb amu, Sabat deɗ am ag Israel ag dahilad daattebnu dooglagnu at dayebeb, ag dooglag, da Yawe, da ahilag Kayak daattem.”

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 8:11

amunu, da ag amelagppa attem. Geha danab kuɗum aam bedeppanu, aam nodeppanu ele ag uɗippeg, Abraham, Aisak, Jakop ele ag Kayaknu ɗo maɗoɗppa daanna, hobulppa ee lanan, laippu daaglag,

Luk 19:9

Anam a, Jesus Nug Sakius amegppa aum. “Gemu Kayak Nug na, nahipad ele eɗua diiattom. Aɗinu? Na am Abraham bekka genab,” awa aum.

Jon 3:33

Amge danab nug nuhig mattiak doya dabmedatte ele amu, nug Kayak Nug doyak diig genabib diig daatte, nug amu ooppa ɠagattag genab dootte danab ah ippunadtte.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.

Jon 8:33

Jesus anam a amu ⌊laala nuhignu oolagppa genab ii dooppig amu⌋ ag appig. “Ig am Abraham bekkod, am ig haen laa wanppanu danab laanu begbeg maɗi nid ii daamut. Am attem hena, na ig uhuqak ena aognignu attem?” aon appig.

Rom 10:11

Kayak naippa, nai laa kobol amunu daatte am inam. “Danab aun nug nuhignu ooppa genab dookku amu, nug uɗa nak iinab aoma,” awa atte.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Rom 10:6

Amge danab nug ooppa genab doyak ibppa genab tutukku hak danab bekkunu dabmette amu, dabmak amunu Kayak naippa, nai daatte am inam. “Na ootppa, ‘Aun nug hab aabppa tekku?’ aon aib ame. (Amuam nug ta, Kristus omala nekkunu atte.) O iitta na, ‘Aun nug mauhak abenppa nokku?’ aon aib ame.” (Amuam nug noa, Kristus omala bekkunu atte.)

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Rom 3:26

Nug ig gemu daattem, ig Kayak Nug am tutukkuib daatte doognignu Nug anam heum. Nug ig anam doognignu, Nug danab oh ag Jesusnu oolagppa genab dootteb ele, Nug tutukkuib ha, Nug ahilagnu, “Genab tutukku hak danab,” awa atte ele ippunigkkunu, Nug anam heum.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

Rom 4:10

Amu Abraham nug attemnab dayeye Kayak nuhignu, “Genab tutukku hak danab,” aum. Nug gaɗa otaɗom dimppatai o iitta gaɗa ii otaɗomppatai? Nug gaɗa ii otaɗom dayeye, Kayak nuhignu, “Genab tutukku hak danab,” aum.

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

Rom 9:6

Israel ag amu oh aoppig, Kayak Nug ele ag nuhikkudnab daaglagnu aum amunu, ig aɗi akkunig? Ig, “Kayaknu nai nug gai-iitta meum,” akkunigte? Iittanab! Aɗinu? Danab oh ag Israel buɗub beppig ele, ag oh am genab Israel danab ii daatteb.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Galesia 3:7

Anam daatte amunu, ag doyeg! Danab ag Jesusnu oolagppa genab dootteb ele, danab amu ag am Abraham bekkodnab.

Galesia 5:5

Amge ihinignu amu Kayak Ouɗi Nug ehanikkekke, ig ooppa genab doyak ihinigppa, ig Kayak Nug ihinignu, “Genab tutukku hak danab,” awa akkunu ameg metta, keeke amu bekkunu haen tapaɗidta daattem.

Galesia 6:16

Danab oh ag imunu dabmena, aon oolagppa mena, aɗan dim lamidna oitteb ele amu, da maɗoɗ, amu Kayaknu oo gai-iitta doya oo metta ehanittak kobol ele ahilagppa daakkunu ool daatte. Danab amu ag am Kayaknu danab, Israel daappig bia.

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

Revelesen 9:4

Anam amu, laa tap-lokus ag ad, gikkiɗah amu wan etetuab laa oh ele ii aqamnanu aum. Nug inam aum. “Ag danab ah oolagppa oina, laa ag uɗalkadppa Kayaknu epponak keeke iitta ele aakkuib guittak matteg!