Rom 3:9 - Nobonob Baibel

⁹ Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

Rom 3:9 ပူးပေါင်းရင်းမြစ်များ

Prowerb 20:9

Aun nug, “Da hei, da ool oppiak ele daatte,” akkunu elele? Ge, aun nug, “Da dubuttid iitta, hipunin ele iitta,” akkunu elele?

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Rom 1:18

Danab ag hipunin digdig, eheɗ hak digdig ele henana, ag amuppa doyak diig genabib heeg miag atiak ii dayeye, Kayak Nug hab aabppanu heehe, nuhig oppoɗi bak aakku miag atiak daatte.

Rom 11:32

Aɗinu? Kayak Nug danab ah oh, Nug ahilagnu oo gai-iitta doya oo matta ehanadkkunu Nug ahilag tappe nak kobolnu ag maniguattom daatteb.

Rom 11:7

Amunu ig aɗi akkunig? Israel danab kuɗum ag Kayak noobppa genab tutukku hak danab daaglagnu, ag amu aoglagnu oolag unuqagppanu heppig amu, ag ii aoppig. Amge laa, Kayak Nug tituanattom ele, ag tutukku dayak amu aoppig. Laa oh amu, Kayak he, ahilag dabmak am ɠagattag eppom. Kayak nai amunu am inam. “Kayak he, ag oolag amu dabmak ahilag ele niiak bia daappig. Nug he, ag amelag neekkaknu elele iitta daaegeg, daulag ele nai dooglagnu elele iitta daappig. Ag anamib daaeg uɗie, gemu ele anamib daatteb.”

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Rom 3:1

Anam daatte amunu, Juda danab ag Juda daanna, ena dooglagnu ib laa elete? Ao, anam daatte amunu, Juda danab, ag gaɗa otaɗak aotteb amu, ag Juda danab daanna, keeke ena laa anidkkulagnu ib laa elelete?

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Rom 3:5

Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?

Rom 6:15

Amunu ig attem hekkunig? Ig ɗo waappa ii daattem, ig Kayaknu ehanittak okkai hamu megatte waappa daattem amunu, ig hipunin hekkunig am iittate? Iittanab iitta!

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

1 Korint 10:19

Nai imuppa amu da aɗitai attem? Da doɗ mana kayak hambuppuak dottog mettak am keeke genab attemte? O kayak hambuppuak dottog, nug am keeke genab attemte? Da anamte attem?

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Pilipai 1:18

Amge amunu am nai iitta. Kobol ohppa, hambuppuak kobolppa, kobol genabppa ele, ag Kristusnu nai mehuqtteb amunu, da maɗoɗppan gamag ahak doottem. Yo, da geha maɗoɗppan gamag ahak eleib doyeye daakkul.