Rom 3:31 - Nobonob Baibel

³¹ Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Rom 3:31 ပူးပေါင်းရင်းမြစ်များ

Sam 119:126

O Yawe, na keeke laa hekkutnu haen aakku doum daatte. Danab ah ag nahip ɗo loppaɗtteb.

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Matyu 15:6

nug men doɗo amuppa anig mameg ele binalah matakkunu ii ehanatma.’ Ag anam henana ag, ag alalkad aɗi dilag ɗonu anuqak doon dim lamidtteb, amu amuppa Kayaknu nai am hamu bia daatte.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Matyu 5:17

Ag oolagppa da ɗo nai, amu propet nai ele heppi iitta mekkunu uɗimi aon aib appig. Da heppi, iitta mekkunu ii uɗimi. Iitta. Da elelenab medakkulnu uɗimi.

Matyu 5:20

Da tutukku ag amelagppa attem. Ahilag genab tutukku hak am ɗo mehuqak danab, ɗo gumak danab-Parasia ele dilag ii eɗadkku dayeb, ag Kayaknu ɗo maɗoɗppa nokkulagnu elele iittanab.

Luk 20:16

Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.

Rom 10:4

Juda ag anam hetteb, amge Kristusnu uɗat okkaippa, ig oonigppa genab doottem ele amu, ig ib amuppa genab tutukku hak danab bemut daattem. Ig ɗoppa genab tutukku danab ah ii bettem. Uɗat amu Kristusnu uɗat okkaippa aakku iitta meum amunu, danab oh ag Kristusnu oolagppa genab dootteb aakkuib Kayak Nug ahilagnu amu, “Genab tutukku hak danab,” awa atte.

Rom 2:20

ag, “Kayak Nug ɗo ig mekke, ɗo nug ig doyak diig genabib ippunigtte amunu, ig am doyak amu ele elelenab daattem,” dabmetteb. Ag anam dabmetteb amunu, ag danab laa dabmak tutukku iitta ele dilagppa ippunittak hekkulagnu elele doona, ag nid naunau ippunittak mattaglagnu ele elele daatteb dootteb

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Rom 3:6

Iittanab! Kayak Nug nai doya hettoɗia epeɗia elele mettak kobol ii dim lamidlo amu, Nug attemnab danab oh dilag kobol epeɗiadlo?

Rom 4:14

Amunu danab ag ɗo dim lamidtteb ele, agib keeke amu oh aoglagnu daalob amu, ooppa genab doyak kobol am hamu daalo, amu Kayak Nug nai qakka aum ele, nai amuam bodoettak daalo.

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Rom 8:4

Nug anam heeb, ɗo nug tutukku oiyak kobol ippunigtte amu, ig laa, ig oonig alagnu kobolppa ii oittem, ig Kayak Ouɗinu kobolppa oittem ele amu, tutukku oiyak kobol amu ihinigppa bekkunu heum.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

Galesia 2:19

Ɗo nug da iwe mauhmi, nug gemu da ii hippaliɗtte; diig amunu amu, da Kayak waappaib daakkulnu daattem.

Galesia 2:21

Da Kayaknu ehanittak okkai hamu megatte ele, da amunu keeke hamu bia ii doottem. Am ig danab ig ɗo dim lamidta, genab tutukku hak danab bekkunignu elele daalom amu, Kristus Nug ihinignu mauhom amu Nug aakku hamu mauhlo.” Da anam Pita amegppa ami.