Rom 3:3 - Nobonob Baibel

³ Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

Rom 3:3 ပူးပေါင်းရင်းမြစ်များ

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Matyu 24:35

Hab wan ele am iitta mekkulah, amge nai dahil am iitta iinab mema.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Rom 10:16

Amge Juda danab dilagnu, ag ohnab Nai Ena imu ii aon dim lamidppig; laa aon dim lamidppig, laa am iitta. Propet Aisaia nug amunu inam aum. “Naɗi, aun nug ihinig nainu ooppa genab doyom?”

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Rom 9:6

Israel ag amu oh aoppig, Kayak Nug ele ag nuhikkudnab daaglagnu aum amunu, ig aɗi akkunig? Ig, “Kayaknu nai nug gai-iitta meum,” akkunigte? Iittanab! Aɗinu? Danab oh ag Israel buɗub beppig ele, ag oh am genab Israel danab ii daatteb.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.