Rom 3:19 - Nobonob Baibel

¹⁹ Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Rom 3:19 ပူးပေါင်းရင်းမြစ်များ

Job 5:16

Kayak anam hette amunu, daɗek ag ena bekkulagnu dabmak aɗan oiglagnu elele. Kayak anam hette amunu, nai doya mala, hettoɗia, epeɗia, elele ii mettak kobol iitta mette.

Sam 107:42

Am genab tutukku hak danab ag Yawe keeke amu he anadna, ag gamag ahak dootteb, amge nau hak danab ag oɗelag qamut-tteb.

Sam 63:11

Amge king nug am Kayaknu oo gamag ahakku. Ao, laa oh ag Kayak onigppa ahilag nai ɠagattag qena atteb amu, ag Nug binag mekkulag. Aɗinu? Nug heeb, hambuppuak danab, ag toettak daaglag.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Jon 8:9

Aria, danab nai anam doona, ag laippu laippu dimittim gona malappig. Kaino ag tatam anuqna dimittim waeg, laala dim goppig. Ukkaeg Jesus Nugib dayeye, am ah nug ele Jesus noobppa hibaitta dayom.

Rom 1:20

Kayak nukka nuhignu ag ippuanattomnu amu, anukkanab Nug keeke oh hattom, haen amuppanu uɗie gemu ele danab ag Nug keeke hattom am anidtteb, amuppa danab ag Kayaknu kobol laala, danab ag ii anidtteb ele, amu dooglagnu elele. Amu ag genab Kayaknu kobol diig anidna amu nuhig ɠagattag naɗi hanhan daatte ele, amu ele anidppig amunu, danab ahilag eheɗ hak lokkumidna, ag anen anen, “Da ii doomi,” akkulagnu elele iittanab.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Rom 3:9

Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

1 Korint 1:29

Anam amunu, danab laa nug Kayak amegppa nukka binag mena, “Da danab laa eɗittem,” akkunu elele iitta.

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?

Galesia 4:5

Nug ig ɗo waappa daamut, ig amunu qagaiettakppanu eɗua uhuqak ha mekkeb, ig Kayak bekkodnab beta daagnignu anam heum.

Galesia 5:18

Anam daatte, amge ag Kayak Ouɗinu ehanittak aon oitteb dayeb, ag ɗo dim lamittak uɗat amu ii hemana.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.