Rom 2:8 - Nobonob Baibel

⁸ Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Rom 2:8 ပူးပေါင်းရင်းမြစ်များ

2 Stori 6:23

Yawe na hab aabppa daanna, na nai amu doon, na hettoɗiak tutukku henana, na danab amu nug hambuppua, nai hambuppuak ɠagattag qetta mattiom, nug eheɗ amu genab heum anidttem dayeb amu, na eheɗ hak nuhig amunu na eheɗ mettan, nob nau medakkutnu oɗ medattem. Amu danab amu nug genab eheɗ ii heum anidttem dayeb, da na nuhignu, ‘Nug eheɗ laa ii heum,’ appe, danab ag nug eheɗ ii heum dooglagnu unuqidttem.

Job 24:13

Nau hak danab ag amahlakppa oiyaknu uutteb. Ag amahlaknu dabmak nakok laa ii aotteb. Ag amahlaknu ibppa ii oitteb.

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Prowerb 11:23

Genab tutukku hak danab ag aɗi kobolnu oolag hette, ag aɗi keekenu oolag hette amu, ahilag oo hak amu oh am diig enappaib bette, gogppa tak ele am enaib; amge nau hak danab ag aɗi kobolnu, aɗi keekenu ena bekkulagnu dabmak aɗan oitteb amu, dabmak amu oh am diig nauppa ba tette, gog takppa am oppoɗi bak daatte.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Jeremaia 34:18

Ag nug tituana nai qakkak dahil tippalppig. Ag ahilkad maɗi nid uhuqadkkulagnu nug tituanna nai qagappig ele, ag nai amu okkulna, ii dim lamidppig. Ag nug tituana nai qakkak heppig, haen amuppa ag nai amu ɠagattag qettalagnu makau nag laa qeeg mauhe, gamagppa oppateg, maha aɗit daye, ag nug tituanna nai qagappig amu ag makau nag beɗu oppateg maha aɗit daapiɗ, ag beɗu laih aɗit amu gamalahppa tappan oippig. Ag amu heppig, amge ag nai amu aɗan oinna hekkulagnunab appig amu, ag ii heppig amunu, da ag makau nag beɗuppa heppig bia ahilagppa hekkul.

Esekiel 22:31

Da laa ii anidmi, da ahilag eheɗ haknu oppoɗi bak huanak doottem amunu, da eheɗ nau madakkul. Ao, da ahilag hipunin hak amunu ool eheɗ nauhtte amunu, da eheɗ hadappi, ag padal mekkulag. Da amu heppi, ahilagppa bekku, amge amunu diig am ag beɗulagppa.” Naɗi Yawe Nug anam atte.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Rom 1:18

Danab ag hipunin digdig, eheɗ hak digdig ele henana, ag amuppa doyak diig genabib heeg miag atiak ii dayeye, Kayak Nug hab aabppanu heehe, nuhig oppoɗi bak aakku miag atiak daatte.

Rom 10:16

Amge Juda danab dilagnu, ag ohnab Nai Ena imu ii aon dim lamidppig; laa aon dim lamidppig, laa am iitta. Propet Aisaia nug amunu inam aum. “Naɗi, aun nug ihinig nainu ooppa genab doyom?”

Rom 15:18

Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

Rom 9:22

Kayak Nug danab ah ag hipunin tuɗidib hena, padal mekkulagnu daappig, padal mak amu tonadkkunu, Nug heeb, nuhig oppoɗi bak am miag atiak bekkunu, Nug nuhig ɠagattag ele miag atiak daakkunu dabmak nakok okkaiib awom, amge Nug amu haknu uua ii heum. Iitta. Nug oo maɗoɗ kobol dim lamitta, dabmak amu aɗe ukke daye, paha ii heum.

1 Korint 11:16

Amu laa nug nai imu tappeb neeb, awa awa qettak nai mattiaya hette dayeb amu, nug doyaɗ! Ig kobol amunu ɗo laa ii mettem, Kayaknu Kristen tamaniak ooppa ele anamib daatte.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Pilipai 1:17

Amge laala, ag dabmak ahilag tutukku iitta, ag onilag naɗi daakkunu henana, ag Kristusnu nai mehuqnana, ag da hippalakppa daattemppanu uug laala ele heppeg bekkulagnu hetteb.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Taitus 3:9

Amge na danab ag dabmak tutukku iittappa nai aeg ona aeg doak hetteb, ag kaino onilagnu ge iitta mattiak hetteb, amu ag ɗo meunu nug mehqak, aeg ona aeg doak ele hetteb amu, na ahilagnu awaidna laih ukke! Aɗinu? Keeke amu oh am keeke hamu; am ig kobol enappa laa ii ehanigmana.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.

Jems 3:16

Am danab laa ag laa dilagnu amelag qe oolag elele ii daatte, amu laa ag akka akka ahilagnuib dabmak okkai aotteb, danab amu ag adeppa daatteb amu, appa danab ah ag daqaqa ii daatteb; ag kobol eheɗ digdig oh hetteb.

1 Pita 3:1

Amubia ah ag danab ele amu, ag gamulkad waalagppa daanna, kobol enaib heig! Ag anam hekkulagnu diig am inam. Danab ahilkad oolagppanu laala ag Kayak nai ii dim lamidtteb dayeb amu, danab amu ag waalkad ag Kayak pehettak binag mena daanna, kobol oppiak ele dim lamidna oitteb anidna, anttak amuppa, ah dilag nai mattiak iittappa, ag oolag eɗueb, oolagppa genab dooglagtai.

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.

Revelesen 14:10

nug Kayaknu wain lakku. Wain amuam oppoɗi bak Kayak Nug danab dilag hipuninnu dootte. Kayak Nug wain amu le ele ii kaboliom. Iitta! Nug oppoɗi bak amu kap-ppa qe noa daatte amu, danab amu lakku. Lawowa, Kayaknu engel noolagppa, amu Sipsip Nag noobppa ele nug guittak okkainab, kalu laa huana eotte onig salpa ewebeb, amuppa guittak aokku.

Revelesen 16:19

Mim ne amu, aab okkai amu nug obate, maha ewam bate, aria atu atu dilag aab okkai ag nena qeppig. Haen amuppa ele amu aab okkai Babilon onig, ɠagattag ele nug Kayak daugppa do, Nug nuhig oppoɗi bak okkainab kap-ppa wain bia mette, Babilon laum.