Rom 2:6 - Nobonob Baibel

⁶ Kayak Nug geha danab oh kobol ag heppig ele amunu nob elele madakku.

Rom 2:6 ပူးပေါင်းရင်းမြစ်များ

Job 34:11

Amuam genab daattenu diig am, Nug danab aɗi kobol hette amu, Nug kobol amunu nob danab amu medatte. Ao, danabnu hak attem daatte, hak amunu nob elele aakkuib Kayak medatte.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Prowerb 24:2

Aɗinu? Ag laa guittak nau mauhnoak mattaglagnu maittak aotteb. Ao, mattiakppa ag laa uug mattaglagnu atteb.

Prowerb 26:10

Danab nug laa Kayak dab-ii-maama ii dim lamidtte ele nug nuhig uɗat hekkunu onigppa e hette, o danab nug mauhnoak aun laa hamu oiyeye antta, nuhig uɗat hekkunu onigppa e hette amu; amuam laa nug lat hamu mauhnoak e, laa guittak medatte, nug amubia hette.

Eklisiastis 3:17

Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Esekiel 18:20

Danab aun nug hipunin hette ele, nug mauhkku. Laa nuhig abenab ii awa mauhma. Laa beɗuppa aab laa daatte ele amu, aab amuam nug bekka beɗuppa ii daama. O aab laa bekka beɗuppa daatte amu, aab amu nug mameg beɗuppa ii daama. Genab tutukku hak danabnu kobol genab tutukku ele, am nug beɗuppaib daakku. Danab nau, nau hette ele amu, nau hak amunu aab am nug beɗuppaib daakku. Laa beɗuppa ii daama.

Esekiel 18:30

Amu Naɗi Yawe Nug atte. “Da ag Israel danab ah, da ag oh anen anen ahilag hak amuppa epeɗiadkkul amunu, ag oolag eɗueg! Ag eheɗ hetteb am oh dimatteg! Ag tuɗidna hipunin heppeg, da heppi, ag padal mekkulag am aib heppig.

Esekiel 36:19

Da hei, kekeɗ ag uɗin heeg, Israel ag tamtam wan kuɗumppa gona daappig. Da ahilag hak nau, ahilag kobol nau ele anidmi amunu, da bu awak eleleppa bu mattai, ag tamtam wan digdigppa gona daappig.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Rom 14:22

Na Kayak noobppa ee lanaknu aɗi ootppa genab doottem amu, na amu hekkutnu elele, amge danab oh nahip dabmak dim lamidkkulagnu aib heme. Danab laa nug keeke laanu ena dabmette, nuhig dabmak keeke amunu beɗuppa nai ii yaatte ele amu, nug itittak ena awom daatte.

1 Korint 3:8

Aria ee eppak danab, le mettak danab ele, aa oh diig laippunu uɗat hettep, amge maɗi ahilah am anen anen. Kayak Nug maɗi ahilah antta, melemel amuppa nob ena matakku.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

2 Korint 11:15

Anam amunu nuhikkud maɗi nid ag ele hambuppun henana, ag danab amelagppa, “Ig genab tutukku hak kobolnu maɗi nid daattem,” aon akkulag dayeb, ig Kristen danab, ig amunu dabmak okkai ii aomta. Ig ii ottaimta. Geha dimppa ag uɗat hetteb, amuppa ag nob ahilag aoglag.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

2 Timoti 4:14

Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.

Revelesen 22:12

Nug anam a amu Jesus Nug aum, “Doyeg! Haen elab iitta da ana uɗikkul. Da nob ena, nob nau ele awe uɗikkul, amu da danab anen anen aɗi heppig, da amunu nob madakkul,” awa aum.