Rom 2:24 - Nobonob Baibel

²⁴ Kayak naippa yaak daatte amubia ag hetteb. Nai am inam. “Ag Juda, ag beɗulagppa iitta aɗi danab ag Kayak, ag nuhignu dabittak nai maditteb.”

Rom 2:24 ပူးပေါင်းရင်းမြစ်များ

2 Samuel 12:14

amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

Aisaia 52:5

Ag anam daaeg uɗie, gemu attemnab iikku beum daatte? Aɗi beum daatte amunu, wan laappan daup ag ele uɗin, ag dahilad danab ah hamu diin goppig? Ag diin gona heeg, dahilad danab ah ag gumak ahilag waappa daaeg, danab amu ag dahilad danab ah aon aon aqatteg, danab ah kuɗum ag deɗ oh amun tuqan ele dahilnu dabittak nai maditteb.

Esekiel 20:27

Amu Yawe Nug tuɗitta atte. “Anam amunu, danab bekka, na dahil nai Israel danab ah ag gemu daatteb, na ag amelagppa inam appe doyeg! Naɗi Yawe, Nug inam atte. ‘Ag mamelkad aɗi ag dahilnu oo metta ii uuak kobol ii dim lamidna, ag da uuiɗppig, ib amuppa ag dahilnu dabittak nai madippig.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

1 Timoti 6:1

Danab ah ag Kayak onignu, Kristen kobolnu ele nai nau amananu, begbeg maɗi nid ag ahilkad okkainu ena elele okkai dooglagnu daatteb.

Taitus 2:5

ag akka ag oiyak pehettak atognoak kobol dim lamidna, ag oppiak daaglagnu, ag laulag atognona dabmettanna bappaidkkulagnu, ag kobol ena hekkulagnu, ag gamulkad waalagppa daaglagnu appe doyeg! Diig aɗinu ag anam oiglag. Amunu diig am dimittim danab ag Kayak nainu nai nau ii mattimnanu, ag anam oiglag.

2 Pita 2:2

Am ele, geha danab laa kuɗum ag danab amu, ahilag kobol nau aon dim lamidkkulag amunu, danab kuɗum laa ag ib genabnu nai nau akkulag.