Rom 2:21 - Nobonob Baibel

²¹ amunu, ag aɗinu danab laa dilagppa ippunittak hetteb, amge ag akka ahilagppa ippunittak ii hetteb? Amu ag danab laa keeke yab ii aomnanu amelagppa maditteb amunu, aɗinu ag akka ag anamnab hetteb?

Rom 2:21 ပူးပေါင်းရင်းမြစ်များ

Aisaia 42:20

O Israel danab ah, ag keeke kuɗum dooppig, amge ag dooppig ele, ag amunu ii dabmeppig. Yo, ag dooglagnu daulag ele, amge ag da aɗi attem amu, ag dooglagnu uuppig,” awa aum.

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Esekiel 22:27

Doɗ wulp ag doɗ laa qena latteb, amubia Israel dilag okkai ag danab ah eheɗ hatteg nauhtteb. Ag men doɗo, wan keeke, ahilag iitta, amge ag aoglagnu danab aqaeg mauheg, ahilag keeke aotteb.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Matyu 21:13

Jesus Nug anam hewowa, Nug aum. “Kayak naippa yaak inam daatte. ‘Danab ag da laul am danab ah dilag unuqiɗak lag daatte dooglag,’ amge ag heeg, nug yab danab naunab dilag lokkumak aben bia daatte!” awa aum.

Luk 11:46

A amu Jesus Nug aum. “O gadonnab gadon ag ɗo mehuqak danab doyak amu okkainab ele, ag dabmeig! Ag keeke uug ele danab ah qaɗelkadppa meegeg, ag maoglagnu uɗat okkai hetteb, amge ag akka ag eppelag doɗo laa uug amu maoglagnu nakok ii meeg otte.

Luk 12:47

Am maɗi nid nug nuhig danab okkainu dabmak amu dootte, amge nug digma ii babaitta, nuhig danab okkainu dabmak amu dim ii lamidtte, geha danab okkai nug huana makkuɗkku,

Luk 19:22

A amu king nug nid amu amegppa aum. ‘Na maɗi nid nau, bodoettaknab. Da na nakka nahip nai amuppa na epeɗidkkul. Amu genabnabte da am danab ɠagattag daayi, na doome? Amu genabnabte keeke danab laala meeg, da aottem amu danab laala ee eppaeg, da meu aottem, da anam heiyi doomete?

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”

1 Korint 9:27

Genab, da Nai Ena danab laaib dooglagnu mehuqen, dimppa da hipunin hein nein qepanu, da dakka da beɗul qei ne, dabmak da ool unuqagppa daatte aakkuib da beɗul dim lamidtte.

Galesia 6:13

Danab amu ag gaɗa otaɗak aoppig, amge ag ɗo tutukku dim ii lamidtteb. Danab amu ag ɗo tutukku ii dim lamidtteb, amge ag lailkad amelagppa ag akka ag onilag humaglagnu ag amunu ii dabmenana, ag ag Galesia daatteb eeɗatteg, ag gaɗalag otaɗkkulagnu hetteb. Ag ahilagppa hena, ag beɗulag amuppa ag onilag okkai aoglagnu hetteb.