Rom 2:14 - Nobonob Baibel

¹⁴ Iitta aɗi danab ag ɗo ii dootteb, amge laala ag akka ɗo ippunigtte, ag kobol amu dim lamidtteb, danab amu ag ɗo iitta, amge akka ahilag dabmak amu aakku ɗo ahilag bia daatte.

Rom 2:14 ပူးပေါင်းရင်းမြစ်များ

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

Aposel 17:30

Anukka danab ag elele ii doonna, ag keeke eppelagppa hena, binag meppig amunu, ahilagnu Kayak Nug dabmak okkai ii awom. Amge gemu amu, keeke amunu Kayak Nug danab oh wan ohppa daatteb amelagppa haknunab nai inam atte. ‘Ag oolag eɗueg!’ awa atte.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 2:12

Danab oh ag ɗo ii dootteb ele amu, ag oolagppanu laa oh ag hipunin hetteb ele, ag am geha ag ɗo ii doonna, padal mekkulag. Am danab oh ag ɗo waappa daatteb ele, ag oolagppanu laa oh ag hipunin hetteb ele amu, geha Kayak Nug ag ɗoppa epeɗiatteb, padal mekkulag.

Rom 2:15

Anam amunu, ahilag kobol anamppa Kayak Nug ɗo ig aɗi hekkunignu ippunigtte ag oolagppa yom amu aakku miag atitte. Amu ag ahilag ooppan oiyak ippunittaknu ulum ele ɗo amu aakku yom daatte miagib atte. Aɗinu? Ulum amu nug haen laala dabmak ahilagppa, kobol ag hetteb epeɗiattatta, ag eheɗ hetteb ippuanatta, amu haen laala kobol ag hetteb ele amu, elelenab ippunadtte.

Rom 2:27

Amu danab laa nug gaɗa ii otaɗom, amge nug ɗo tutukku dim lamidtte, nug am ag Juda ag ɗo nai yaak atte bia gaɗalag otaɗppig, amge ag ɗo tippaltteb amu, danab laa amu nug geha, “Ag eheɗ hetteb,” nai amuppa ag yaaladkku.

1 Korint 11:14

Am Kayak Nug ig danab ah beɗunig piɗe piɗe aben aben ihinig mekkomppa daagnignu anidttem amu, amuam danab laa nug ikki uɗug elab ele daatte dayeb, amuam eheɗ iite ippunigtte? Nug amunu uɗa nak guittak ele iite dookku?

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

Epesus 2:12

Haen amuppa amu ag umanab Kristus iittappa daadttappig. Ag Israel baekkudppa ele ii daadttappig. Kayak Nug he, Nug Israel ag ele nug tituanna nai qakkan, Kayak Nug Israel ag nuhikkud daan, keeke ena laala ele aoglagnu nai qakka aum, amge ag iitta aɗi ag amu ooppa ii daadttappig. Ag wan imuppa daappig amu, ag keeke ena laa dimppa bekkunu ameg mak ele ii daappig. Iitta. Ag hamu daappig. Ag Kayak ele ii dooppig, umanab daappig.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Duteronomi 4:7

Diig imunu ag anam mattiglag. Yawe, ihinig Kayak, haen ig Nug unuqittutut amu, Nug ig ele guguikkak daatte, amge wanppan wan laa, wan ɠagattag ele, wan amunu kayak anam ii hette.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!