Rom 2:13 - Nobonob Baibel

¹³ Danab ag daulagppaib ɗo am hamu bia dootteb ele, ag amu Kayak amegppa genab tutukku hak danab ii daatteb. Iitta. Danab ag ɗo dim lamidtteb ele, danab amuib geha Kayak Nug ahilagnu, “Genab tutukku hak danab,” awa akku.

Rom 2:13 ပူးပေါင်းရင်းမြစ်များ

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Luk 8:21

Awa a amu, Jesus Nug aum. “Danab ah ag Kayaknu nai doon dim lamidtteb ele, ag am da anil, amalad ele,” awa aum.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Aposel 13:39

Ɗo Moses eppegppa uɗiom amu, amuam heeb, danab nug genab tutukku hak danab daakkunu elele iitta. Amge danab imu, Jesus, aun aɗi ag nuhignu oolagppa genab dootteb, ag nuhigppa genab tutukku hak danab bena daatteb.

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Rom 2:25

Genab, ag ɗo tutukku dim lamidtteb dayeb amu, gaɗa otaɗak kobol am keeke ena, amge ag ɗo tippaltteb ele dayeb amu, gaɗa otaɗak am keeke hamu, ag danab gaɗa ii otaɗppig bia aakku daatteb.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

1 Korint 4:4

Da Naɗi noobppa da dahil ooppan oiyak ippunittaknu ulumppa da eheɗ hemi ii doottem, amge amu Naɗi noobppa da genabnab da beɗulppa aab iitta ii ippunigtte. Laa Nug da epeɗiltte am Naɗi, Nugib.

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

1 Jon 3:7

O nid naunau dahilad, laa ag buppualadmananu ag dabmeig! Aun nug kobol tutukkuppa oitte, nug Kristus genab tutukku hak danab daatte, nug amubia aakku genab tutukku hak danab daatte.