Rom 2:12 - Nobonob Baibel

¹² Danab oh ag ɗo ii dootteb ele amu, ag oolagppanu laa oh ag hipunin hetteb ele, ag am geha ag ɗo ii doonna, padal mekkulag. Am danab oh ag ɗo waappa daatteb ele, ag oolagppanu laa oh ag hipunin hetteb ele amu, geha Kayak Nug ag ɗoppa epeɗiatteb, padal mekkulag.

Rom 2:12 ပူးပေါင်းရင်းမြစ်များ

Matyu 11:22

Da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Matyu 11:24

Da ag amelagppa attem; epeɗiak haen Sodom am nob nau aokku, amge na Kaperneam, na am nob nau amu eɗittak aokkut,” awa aum.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 4:15

Ɗoppa keeke ena amu bekkunu elele iitta. Aɗinu? Ɗo nug Kayak oppoɗi bak he bette, amge ɗo iitta dayeb amu, danab ag ɗo tippalkkulagnu am elele iitta.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Duteronomi 27:26

Appeg, Lewi buɗub ag inam akkulag. “Laa nug ɗo imu dim ii lamidtte amu, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Jems 2:10

Aɗinu? Danab laa nug ɗo laa oh dim lamidtte, amge ɗo laippu tippaltte amu, ⌊danab ɗo oh tappaladtte bia,⌋ nug ɗo tappe nak danab daatte.