Rom 2:10 - Nobonob Baibel

¹⁰ Amge Kayak Nug geha binag amahlak oppiaawak ele, maɗoɗ, amu binag ele danab oh kobol ena hetteb ele madakku; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 2:10 ပူးပေါင်းရင်းမြစ်များ

Job 22:21

Anam amunu, Job, na nakka na hena, na Kayak waappa daakkut dayeb amu, na Nug ele maɗoɗ daaglah. Ao, na anam hekkut dayeb amu, na ena daakkut.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Sam 29:11

Yawe Nug danab ah nuhikkud ɠagattag madatte. Yawe Nug danab ah nuhikkud itatta, maɗoɗ madatte.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 8:18

En okkai, binag, en haen elab daatte, genab tutukku hak kobol ele da eppelppa, ⌊da laa ag dahil nai dim lamidtteb ele, da ag madakkulnu aakku⌋ daatteb.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Aisaia 32:17

Genab tutukku hak kobol dim lamittak am maɗoɗ heeb bekku. Ao, genab tutukku hak kobol dim lamittak am maɗoɗ, baɗak iittappa dayak ele heeb beya, hanhan daaglah.

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Aisaia 48:22

Israel dilagppa anam daakku, amge Yawe inam ele atte. ‘Laa ag nau hak danab ah daatteb ele, ahilagnu maɗoɗ nakok laa iinab daama,’ ” awa atte.

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

Aisaia 57:19

Da amu heppi, Juda danab ag uug doon gaatteb amu, ag eɗun, ena doon, da onil humaglag. Da heppi, danab ah ag uma daatteb, laa ag guguittak daatteb ele amu, da heppi, ag oh maɗoɗ daaglag. Ge ag maɗoɗnab daan oiglag. Da heppi, ag enaib daan oiglag.” Yawe Nug anam atte.

Jeremaia 33:6

Anam, amge qinob da heppi, ag eɗun ena daaglag; danab oɗe ele eɗua ena daatte, ag amubia daaglag. Da danab ah dahilad ehanadppi, ag eɗun ena daappeg, da heppi, ag maɗoɗ, baɗak ele iitta daan, ag oo gamag ahak dooglag.

Namba 6:26

Yawe Nug ag enaib hatta, Nug maɗoɗ ele ag madakkunu ool daatte.’ Ag anam aon aeg!” awa aum.

Matyu 10:13

Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg!

Luk 1:79

Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Luk 22:14

Pasowa ee babaitteh, haen male, Jesus Nug nuhikkud totol danab 12 ele ag balalppa daappig.

Luk 9:48

Nug ag amelagppa aum. “Danab nug da onilnu nid nakok laa imubia laippu dayaknu ooppa eleleib dootte, nug da ele laippu dayaknu ooppa eleleib dootte. Danab nug da ele laippu dayaknu ooppa eleleib dootte amu nug Laa, Nug he da uɗimi ele, nug Nug ele laippu dayaknu ooppa eleleib dootte. Ag oh oolagppanu danab nug nakoknab daatte amu, nug am anuqak,” awa aum.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Rom 2:9

Danab oh kobol tutukku iitta hetteb ele, ahilagppa qagaiettak okkai, guittak okkai ele bekku; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

Rom 9:21

Waa keeke hak danab nug wan lekkoh iɗu laippuppa hinai aɗit, laa bala enanagnab, uɗat ena haknu, amu laa bala iitta, uɗat mauhnoak haknu haatkkunu dabmaama, nuhig dabmak dim lamitta hekkunu elele iittate?

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Pilipai 4:7

Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Hibru 2:7

Na engel nakokib anuqak hattame; danab ah ag ag nakokib waappa daatteb. Na danab ah binag amahlak oppiaawak ele, aria dagom onig ɠagattag ele ag mattame.

Jems 2:22

Aria, O na danab dabmak tutukku iitta ele, Abraham heum, amuam inam ippunidtte. Nuhig ooppa genab doyak am nuhig kobol ena ele aa nug ehanittak heyaya, aa oh uɗat laippu heeheh, kobol amuppa nuhig ooppa genab doyak elelenab meum.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.