Rom 2:1 - Nobonob Baibel

¹ Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Rom 2:1 ပူးပေါင်းရင်းမြစ်များ

Luk 12:14

Nug anam aum amge Jesus Nug amegppa aum. “Amu attemun? Aun nug da aa epeɗiatkkulnu meiɗa, amu ahilah keeke otikkulnu ele meiɗom?” awa aum.

Luk 19:22

A amu king nug nid amu amegppa aum. ‘Na maɗi nid nau, bodoettaknab. Da na nakka nahip nai amuppa na epeɗidkkul. Amu genabnabte da am danab ɠagattag daayi, na doome? Amu genabnabte keeke danab laala meeg, da aottem amu danab laala ee eppaeg, da meu aottem, da anam heiyi doomete?

Luk 6:37

Jesus Nug anam ana, Nug baula aum. “Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag. Ag nai laa beɗulkadppa aib yaappig. Ag anam hekkulag dayeb, laa ag nai ag beɗulkadppa ii yaamna. Ag laa dilag hipunin uhuqna matteg! Ag anam hekkulag dayeb amu, laa ag ahilag hipunin uhuqna mattaglag.

Rom 14:22

Na Kayak noobppa ee lanaknu aɗi ootppa genab doottem amu, na amu hekkutnu elele, amge danab oh nahip dabmak dim lamidkkulagnu aib heme. Danab laa nug keeke laanu ena dabmette, nuhig dabmak keeke amunu beɗuppa nai ii yaatte ele amu, nug itittak ena awom daatte.

Rom 2:2

Na nakka na anam epeɗiak pehettak ii hettem, amge ig doottem, Kayak Nug anam ii hette. Nug danab kobol nau anam hetteb ele amu, Nug ag nob nau tutukkuib, doyak diig genabib ippunigtte bia madatte

Rom 2:3

amunu na, na am danabib, na laipad laa kobol anamnu epeɗiadttem ele, amge na ele kobol nau anamib ele hettem amu, na attem doottem? Na nakka Kayaknu hettoɗiak eɗidna oolna gokkutnu elelete? Iitta.

Rom 3:9

Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

1 Korint 7:16

Ah na geha na danab nahip ehanidppe, nug oo eɗueb Kristen daakkute o iitta amu, na ii doottem. Aria danab na, geha na ah nahip ehanidppe, nug oo eɗueb Kristen daakkute o iitta amu na ele amu ii doottem.

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

Jems 4:11

O lailad, ag lailkad dilagnu nai eheɗ aib appig. Danab laa nug layag laanu nai nau atte, o iitta nug layag epeɗitte ele amu, nug ɗonu ele nai nau ana, ɗo ele epeɗitte. Aria, na ɗo epeɗittem dayeb amu, na ɗo dim lamittak danab iitta; na ɗo epeɗittak danab daattem.