Rom 16:7 - Nobonob Baibel

⁷ Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

Rom 16:7 ပူးပေါင်းရင်းမြစ်များ

Aisaia 45:17

Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.

Aisaia 45:25

Amge geha Israel buɗub oh ag Yawenu ehanittakppa genab tutukku daan, ag gamag ahak okkainab dooglag.

Jon 14:20

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Rom 16:10

Amu ag humittak dahil Apeles metteg! Nug Kristusnu daatte. Dayaya amu, nug ma anttak awa, elele ha, amuppa nug am onig ele. Amu ag humittak dahil danab Aristobulus laugppanu ele matteg!

Rom 16:11

Ag humittak dahil Herodion metteg! Nug am da ele i Juda danab. Amu ag humittak dahil Narsisus laugppanu danab laala ag Jesusnu oolagppa genab dootteb ele, ag matteg!

Rom 16:21

Dahil uɗat laippu Timoti, nug ele ag humadtte. Lusius, Jeson amu Sosipater ele, ag da ele ig oh am Juda danab amu, ag ele ag humadtteb.

Rom 16:3

Amu ag humittak dahil Prisila, Akwila ele mateg! Aa da ele, ig oh Kristus Jesusnu daatta, nuhig uɗatnu kadoi laippu daattem.

Rom 16:6

Amu ag humittak dahil Maria metteg! Nug uɗat naɗi ag ehanadkkunu heum.

Rom 16:8

Amu ag humittak dahil Ampliatus metteg! Nug am Naɗinu kobolppa dahil layamnab.

Rom 16:9

Ag humittak dahil Urbanus metteg! Nug ig ele, ig oh Kristusnu daatta, nuhig uɗatnu kadoi laippu daattem. Amu humittak dahil Stakis ele metteg! Nug am da layalnab.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 12:2

Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Galesia 1:22

amge Juda Kristen tamaniak, ag Kristusnu daatteb amu, ag da ii dooiɗppig.

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Kolosi 4:10

Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Pilemon 1:23

Epapras nug ele na humidtte. Da nug ele Kristus Jesusnu daaɗa, amu i oh maniguittakppa laippu daattep.

1 Jon 4:13

Nug nukka nuhig Ouɗi ig mekkom amunu amuppa ig doottem, ig nuhigppa daattem, amu Nug ihinigppa ele daatte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.