Rom 15:18 - Nobonob Baibel

¹⁸ Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

Rom 15:18 ပူးပေါင်းရင်းမြစ်များ

Prowerb 25:14

Danab ag laa keeke mattaknu atteb, amge ag ii madatteb; ag am lombig aam haenppa gu wan le ii medatte, amubia hetteb.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.

Mak 16:20

Aria, ippunittak awak danab ag wan ohppa gona, Jesusnu nai mehuqegeg, Naɗi Nug ag ehanattette, ag Kayak dabmettaknu kobol danab haknu elele iitta laala ele heegeg, amuppa danab ag mehuqak ahilag genab dooppig.))

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 15:12

Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.

Aposel 15:4

Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 21:19

Pol nug ag humattowa, nug keeke oh Kayak Nug iitta aɗi oolagppa nuhigppa uɗat heum, nug amunu oh amelagppa mattiom.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Rom 16:26

Nai lokkumak dayom ele, amuam genab lokkumak dayom, amge gemu propet dilag yaakppa nai amu aakku miag atiom. Amu Kayak hanhan daatte ele, Nug a, danab iɗu iɗu oh, ag oolagppa genab dooglagnu, ag Nug oɗe dim lamidkkulagnu nai amu ig mehuqttem.

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

2 Korint 12:6

Genab, da dakka onil humakkulnu elele; da helom amu geha da danab nug Kayak dab-ii-maama ii dim lamidtte ele hette bia ii helom. Iitta. Da nai genabib mattilom. Amge da amu ii hettem. Aɗinu? Laa nug dahil kobol da hettem antta, nai da mehuqttem ele doyaya, amuppa aakkuib nug da tutukku dooiɗkkunu ool daatte.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Galesia 2:8

Ao, Kayak Nug Pita ehanitte, nug Juda oolagppa totol uɗat heum, amubia Kayak Nug da ehaniɗe, da iitta aɗi oolagppa totol uɗat hemi.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

2 Tesalonaika 2:17

ag oolag ɠagattag qak dayebeb, ag oiyak ahilag ohppa enaib oiglagnu ɠagattag aoglagnu oonig daatte.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

Jut 1:9

Ag anam hetteb, amge engel dilag ikki laa Maikel, nug am okkainab, laa nug kobol ag hetteb bia hekkunu elele daalo am nugbia, amge nug amu ii heum. Iitta. Nug kobol ena laa heum. Haen nug Satan ele, aa aun nug Moses gaɗa aokkunu panioɗya, nai aeh ona aeh do heya heya amu nug Satannu baeg qak nai laa mattiaya beɗuppa ii yom. Iitta. Nug inam aum. “Naɗi Nug na daut batakkunu ool daatte!” awa aum.