Rom 14:4 - Nobonob Baibel

⁴ Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Rom 14:4 ပူးပေါင်းရင်းမြစ်များ

Sam 17:5

Da na ippunppa oimi. Ao, da na dim lamittaknu ii uumi.

Sam 37:17

Aɗinu? Yawe Nug heeb, nau hak danab dilag ɠagattag nauhkku, amge Yawe Nug danab ah genab tutukku hak kobol dim lamidtteb ele atognoadtte.

Sam 37:24

Nug taataɗ qedakkutai me, nug anam heeb, Yawe Nug eppeg aɗatte amunu, nug na qa, auta autanab ii aoma.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.

Aposel 11:17

Amu anukka tatam ig Naɗi Jesus Kristusnu oonigppa genab doomut amu, Kayak Nug nuhig Ouɗi ig mekkom, anamib gemu ag ele Kayak Nug ag mattom. Kayak hette amunu, da nuhig ib oo ii nepa.” Pita anam awa aum.

Rom 11:23

Ele amu eppekkud laa, ag ooppa genab ii doyak tuɗidna ii heppeg amu, Kayak Nug eɗua tuɗitteb ag ele ad eppekkud aakku daaglag. Kayak Nug eɗua tuɗitteb daaglagnu elele.

Rom 14:3

Danab nug ee oh latte, nug danab doɗ teppu ii latte ele, nug nuhignu aib dabmak nau awom. Amu danab doɗ teppu ii latte, nug danab ee oh latte ele nuhignu, “Am hipunin hette,” anam aib dabmeum. Iitta. Kayak Nug danab amu nuhig daakkunu awom daatte.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.