Rom 13:8 - Nobonob Baibel

⁸ Ag danab laanu lon aona amu, ag eɗun mekkulagnu haen anidna, ag aib uuppeg, hamu dayom. Ag daden meig! Laippuib, ag laa dilagnu oo mauhak kobol heppeg, elele mekkunu elele iitta amunu, ag amu hekkulagnu haen oh dabmetteg! Aɗinu? Aun nug kobol anam dim lamidtte amu, nug ɗo oh elele medatte.

Rom 13:8 ပူးပေါင်းရင်းမြစ်များ

Matyu 7:12

Anam amunu, ag dahilad ag danab ag kobol atten ahilagppa hekkulagnu oolag daatte, ag kobol amuib ahilagppa heig! Ɗo nai, amu propet nai ele amuib ippunigkkunu daatte.

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

Rom 13:10

Danab nug layagnu oo mauhtte dayeb amu, nug layagnu eheɗ laa ii hette amunu, danab laa nug layagnu oo mauhtte dayeb, nug ɗo laa oh ele aakku tutukku dim lamidtte.

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

Jems 2:8

Kayaknu ɗo maɗoɗ ooppa dayaknu ɗo anuqak laa Kayak naippa daatte am inam. “Na nakka nahipnu oot mauhtte, amubia na laipad dilagnu ele oot mauhaɗ!” Anam amunu ag ɗo amu genab dim lamidkkulag dayeb, ag aakku kobol ena hekkulag.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.