Rom 13:7 - Nobonob Baibel

⁷ Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!

Rom 13:7 ပူးပေါင်းရင်းမြစ်များ

1 King 3:17

Uɗiya, ah laa nug aum. “O naɗi dahil, da ah imu ele i lag laippuppa daattep. Da nid menumi, haen amu nug da ele oh daaɗa, da nid menumi.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Prowerb 24:21

O bekkal, na Yawenu, kingnu ele ebehin oh bodoetta le maɗ! Na nai tappe nak danab ele laippu aib tamanin daame.

Prowerb 3:27

Na danab ah ag nob ena aoglagnu elele heppig anidna, nob ena madakkutnu keeke elele na eppenppa daatte dayeb amu, na matte! Aib uun ii madakkutnu heme.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 19:32

Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Matyu 17:25

Ag anam oɗ mettaeg amu Pita nug, “Yo,” awa aum. Nug anam ana, lag ooppa no, amu Jesus Nug tatam Pita oɗ mettom. “Saimon, na attem doottem? Wan imuppanu king ag aun toppanu takis aotteb? Ag bekkalkad, amu dilagppa aottebte? O iitta danab ah gumadtteb ele, ag amu dilagppan aottebte?” awa aum.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Mak 12:17

Ag anam aeg amu Jesus Nug aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum. Awa a amu ag dabmak kuɗum aoppig.

Luk 20:22

amunu, na keeke imu appe doognig. Na attem doottem? Ig takis Sisar mettagnig am kobol tutukku o kobol tutukku iitta?” aon oɗ medappig.

Luk 20:25

Anam aeg, Nug ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 13:6

Laa ele amu, danab ag gumaknu ehah ele, ag ele Kayaknu maɗi nid daatteb, ag uɗat amu ena gokkunu dabmedatteb, amu diig amunu ag ag takis madatteb.

Epesus 5:33

amge ag akka akka anen anen imu dooglagnu ele ippunigtte. Na nakka nahipnu oot mauhtte, amubia na waatnu oot mauhaɗ! Amu ah ele nug gamunu ena elele dookkuoitte.

Epesus 6:5

Begbeg maɗi nid ag wan imuppan gumak danab ahilkad dilagnu ena elele doon, ag ⌊Kayaknu neekkakppa eheɗ hemanananu ag⌋ baɗan, oɗelag dim lamitteg! Ag oolag aɗitppa uɗat aib heppig. Ag Kristus oɗe dim lamidtteb, amubia ahilkad okkai dilag ele anam heig!

1 Timoti 5:13

Laa ele, ag uɗat ii hak kobol aona, lag lag tena nenana oitteb. Amu uɗat ii hak kobolib iitta, ag laa dilagnu dimug nai mattinna, ag laa dilag dabmak, maittak keeke baolikkulagnu henana, ag nai eheɗ ig akkunignu elele iitta ele maditteb.

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!

1 Timoti 6:1

Danab ah ag Kayak onignu, Kristen kobolnu ele nai nau amananu, begbeg maɗi nid ag ahilkad okkainu ena elele okkai dooglagnu daatteb.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

1 Samuel 12:18

Samuel nug anam awowa, nug unuqitte, Yawe he, hakkaɗ qak, gu ele neum. Ne amu, danab ah oh ag ebehilag oh Yawenu bodoetta le meum. Ag Yawenu anam doon, Samuelnu ele anam dooppig.