Rom 13:12 - Nobonob Baibel

¹² Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

Rom 13:12 ပူးပေါင်းရင်းမြစ်များ

Solomonnu Ahi 2:17

O danab dahil, na dahilnu oot mauhtte, da na doɗ dakkuɗ gasel, o iitta na doɗ dakkuɗ dia gaiɗ, ag qauko qappakppa daatteb, na anam bia daappe ukkeb, atu haɗaetta, wagkkaɗkkun heebeb, na eɗun dahilppa uɗikkutnu oɗ medattem.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

1 Korint 10:11

Keeke imu oh amu ig anidpput oo maittak kobol daaglagnu beppig. Kayaknu yaak ooppa kaya amu yaaladppig daatteb amu, ig danab gogtak haen imuppan, ig anidtata, nau aomtanu dabmak aota oignignu ippunigtte

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

2 Korint 10:4

Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

Hibru 10:25

Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

Jems 5:8

Amubia ag ele ag oolag bodoettak ele daanna, ag oolag ɠagattag qettan dayeg! Aɗinu? Naɗi eɗua uɗikkunu miag daatte.

1 Pita 2:1

Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

2 Pita 3:9

Danab laala ag, “Naɗi Nug eɗua uɗikkunu nai qakka aum amu, paha eɗua ii uɗia hette,” dabmetteb, amge anam iitta. Iitta. Nug ahilagnu oo bodoettak ele daatte. Nug danab laippu laa padal mekkunu oo ii daatte. Iitta! Nug danab oh ag oolag eɗukkunu oo okkai daatte amunu, Nug haen madatte.

1 Jon 2:18

O nid naunau dahilad, haen aakku gogppa tekkunu hette. Kristusnu kekeɗ uɗikkunu amu, anukka laa ag ag amelagppa aeg dooppig. Anam aakku amu gemu Kristusnu kekeɗ kuɗumnab beppig amunu ig doottem, haen aakku gogppa tekkunu hette.

Revelesen 1:3

Danab aun aɗi ag Kayaknu nai, keeke dimppa bekkunu imu ebqena dim lamidtteb, o aun aɗi ag nai imu daulagppa doona dim lamidtteb ele amu, ag itittak ena aoppig daatteb. Aɗinu? Haen Kayak Nug heeb, keeke oh buk imuppa yaak daatteb, ag bekkulag am miag doum daatte.

Revelesen 22:10

Nug anam awowa, nug da amelppa aum. “Kayaknu nai buk imuppa niitte amu, na aib toname. Aɗinu? Kayak Nug keeke imu oh hekkunu aakku haen oqiiom.