Rom 12:9 - Nobonob Baibel

⁹ Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Rom 12:9 ပူးပေါင်းရင်းမြစ်များ

Sam 101:3

Ao, da keeke laa na noomppa uɗig wak ele daatte doottem amu, da amu anttaknu uukkul. Kobol oh danab ag na ii dim lamidtteb ele, ag hetteb amu, da kobol amunu nau ninig ele doottem. Da kobol amu ohppanu aɗitai laa ii hepa.

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Sam 119:163

Hambuppuak nai, hambuppuak kobol elenu amu, da nau ninig ele doyeye, oolppa uuaknab doottem amge nahip ɗonu da ool mauhtte.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Sam 45:7

Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Prowerb 26:25

Ge, danab amu nug nai enanag madikkutai; amge diig amunu na nuhignu aib ootppa genab doome. Aɗinu? Nug ooppa kobol nau kuɗumnab, Kayak Nug kobol amunu ooppa uuaknab dootte amu, nug amu hekkunu dabmette.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Matyu 26:49

Aria, ag uɗina, Judas nug pahanab Jesus gumitta ukka, “Tuqan ena Ippunittak Danab,” awowa, nug ootuqittom.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

2 Korint 6:6

Laa amu, ig ihinig oppiak kobolppa, ihinig oo mettak kobolppa, ihinig laa dilagnu oo maɗoɗ dim lamittak kobolppa, ihinig laa dilagnu oo bodoettak kobolppa, Kayak Ouɗi ihinigppa daatteppa, ig ihinig oo mauhak kobol genabppa, ihinig nai genab mattiak kobolppa, amu ihinig Kayaknu ɠagattagppa keeke hak kobolppa, ig am Kayaknu maɗi nid daattem ippunadttem. Ig Kayaknu ban haknu keeke eppenig naɗiap-ppa, nanehppa ele aɗattem amuppa amu,

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

1 Tesalonaika 2:3

Mattiak ig mehuqttem ele, amuam dabmak hambuppuakppanu, o diig ena iittappanu, o bubuittak kobolppanu ele ii bette.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

Hibru 1:9

Na genab tutukku hak kobolnu oot mauhom, gemu ele oot mauhtte, kobol naunu amu, na nau ninig ele doome, gemu ele na anam doottem. Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.”

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.