Rom 12:3 - Nobonob Baibel

³ Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Rom 12:3 ပူးပေါင်းရင်းမြစ်များ

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Eklisiastis 7:16

Kayak Nug danab attem attem haaha, tutukku daakkunu aum amunu, na nuhig nai amu aon, keeke baubau kuɗum laa ele tuɗidkkutnu aib heme! Na doyak dabmak ena ele aonna, keeke laa oh ii dabmemana, amuib dabmekkutnu aib heme! Ib aɗit amu ohppa na nakka, na nauhkkutnu hettem amunu, na anam aib heme.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.

1 Korint 7:17

Anam amge, danab anen anen ag dayak atten, Naɗi Nug ag amuppa daan oiglagnu maatta, anamppa daaglagnu onilagppa eum amu, ag anam daan oiyeg! Da Kristen tamaniak ohppa ɗo amu laippu aakkuib madattem.

2 Korint 10:13

Amge uɗat ig hettem, uɗat amunu danab laa nug ig ena hettem, o ig ena ii hettem akkunu elele iitta amu, ig uɗat amunu attem heta ig binanig mekkunig? Elele iitta. Amunu ig uɗat Kayak mekkom, ig amuib binag mekkunig, amu Kayak Nug uɗat mekkom ele amu, ag Korint danab ag uɗat amu ooppa daatteb.

2 Korint 12:13

Da Kristen tamaniak laappa kobol laa hettem, anamib aakku ahilagppa ele hettem. Laippuib amu da ahilagppa ii hemi. Amuam da uug madette, ahilagppa ehanittak laa ii aomi. Gadon ag dahil hak nau amu uhuqna meɗeg!

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

Epesus 3:2

Ag imu doon malappig bia doottem. Kayak Nug da ehanittak okkai hamu meɗa he, da ag iitta aɗi ag amelagppa Kayak Nug nuhig ehanittak okkai hamu mettak ag ele madakkunu hette, da amu mehuqkkulnu daattem.

Epesus 3:4

Aria, ag nai imu ebqenana amu, ag da Kristusnu dabmak lokkumak dayom, ag amunu dabmak da aottem ele, ag amu oh doona oolag maidkku.

Epesus 4:16

Danab beɗunu laih kuɗum oh ag diɗippa tuɗittak daanna, ahilag uɗat anen anen pehettak heegeg, beɗu ena ɠagattag mette, amubia ig tamaniak ooppa daattem ele, ig ihinig ikki Kristus nuhigppa laippu daat, ig uɗat ihinig anen anen hetata, ig nug oo mauhakppa oitut, tamaniak ena, ɠagattag mette.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

Kolosi 2:13

Anukka amu ag hipunin digdig henan, ag oo alagnu kobol dim lamittegeg, kobol amu nug ag aqe mauhak bia daattappig. Amge Kayak Nug Kristus maɗette ahe, ag ele bau mattom. Nug ig oh hipunin hemut amu, Nug hipunin amu oh uhuqa mekkom.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

1 Timoti 2:15

Amge nug ⌊ah laa oh ele⌋ ag oolagppa genab doon, oo mauhak kobol dim lamidna, oppiaawak daanna, ag akka ag oiyak pehettak atognoak kobol ele hetteb dayeb, ag nid laa menuakppa padal memanu ehanittak aoglag.

1 Timoti 2:9

Amubia ah ag tutukku dabmena, lamen eleleppaib takkana, ag ikkilag uɗug kobolnab eleppa ii takkamnanu, ag bala digdig golppa hak o men perlppa hak o iitta lamen laa daden nob naɗinab ele amu, ag ii memananu ool daatte.

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!

Taitus 2:4

ag ah bau ag gamulkad amu ahilkad nid naunau ele dilagnu oo mauhak dooglagnu ippuanadkkulagnu,

Taitus 2:6

Amubia na danab bau ag ele akka ag ahilag oiyak pehettak atognoak kobolppa oiglagnu appe doyeg!

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 5:8

Ag hanhan dabmena autna aweg! Satan, kekeɗ ahilag, nug am laion laa bia danab laa diia lakkunu oiyaya, huanak gayaya oitte.

3 Jon 1:9

Da nai laa yen Kristen tamaniak mettami, amge Diotrepes, nug nukka keeke ohnu beɗu hume anuqtte, nug da oɗel dab-ii-medatte.