Rom 12:12 - Nobonob Baibel

¹² Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Rom 12:12 ပူးပေါင်းရင်းမြစ်များ

Sam 109:4

Da ahilagnu, “Da lailad,” doyen ehanadmi, amge ag nai nauppa da yaaiɗtteb. Ag anam hetteb, amge da unuqittak ii uuttem!

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Sam 40:1

Yawe Nug da ehaniɗkkunu, da ool bodoettette dayeye, ameg mein daaiyi, Nug unuqittak dahil doya, da ehaniɗom.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Prowerb 10:28

Genab tutukku hak danab ag oo gamag ahak anidkkulag; amge nau hak danab ag aɗi keeke laa ena bekkunu dabmak aɗan oitteb amu, ag amu ii anidmana.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

Luk 10:20

Amge ouɗi nau ag nai ahilag dim lamidtteb, ag amunu oolag aib gamag ahom! Iitta. Kayak Nug ag onilag hab aabppa yom, ag amunu maɗoɗppan gamag ahak doyeg!” awa aum.

Luk 21:19

Ag ɠagattag daaglagppa, ag bauklel hanhannu aoglag!

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Aposel 1:14

Danab amu ag oh oolag laippu mena, haen kuɗum danab ah laala ele oh qagmena, unuqidnana daappig. Danab ah amuam Jesus anig Maria, Jesus amakkud amu ah laala ele.

Aposel 12:5

Anam amunu, Pita nug maniguittak ooppa dayeye, Kristen tamaniakppanu danab ah ag nuhignu oolag unuqagppanu Kayak unuqidppig.

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Aposel 6:4

Amge ig totol danab amu, ig hanhan unuqidtata, Kayak nai danab ah ippunadkkunig,” aon appig.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 15:4

Danab ag Kayak nai yaappig amu, ig nai amu ebqetata, ig ippunittak aognignu yaappig. Ig Kayak aɗi keeke ena megakkunu aumnu dabmak aɗat daagnignu, ig nai amu ebqetata, ig oo maɗoɗ ele dayak kobol anidta doot, ig Kayak tuɗidta dim lamidkkunignu oonigppa ɠagattag qak ele aottem.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

2 Korint 12:8

Da haen ewam Naɗi Nug beɗulppanu keeke amu uhuqkkunu unuqmi,

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

Kolosi 4:2

Amu ag oh ag Kolosi daatteb amu, ag unuqittak hekkulagnu oolag mettan, ag unuqidnana, ag hamu aib heppig. Iitta. Ag dabmak ele unuqidkkulag, amu ag anam henana, ag Kayak amegppa, “Ena hen mekkame,” ele aon aig!

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!

2 Tesalonaika 1:4

Anam amunu ig ahilag kekeɗ ag ahilagppa kobol nau kuɗum heegeg, ag amunu uug doonna eɗittaknuib dabmak aotteb, ahilag ooppa genab doyak ele ii paɗatteb amu, ig amu dootta, ig amunu Kayaknu Kristen tamaniak ohppa ag binalag mettem.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 Timoti 3:10

Amge na da ele oiɗa, na dahil ippunittak nai, dahil oiyak kobol, uɗat da hettem ele diig aɗinu da hettem amu, na amu oh doottem. Na amu doon, na ooppa genab doyak dahil, oo bodoettak kobol dahil, oo mauhak kobol dahil, amu uug mawewe ɠagattag dayak kobol dahil ele na doottem.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.

Jems 5:7

O lailad, diig amunu ag oolag bodoettak ele daan, Naɗi eɗua uɗikkunu haen ameg meig! Antteg! Dad mameg nug ee meu ena okkunu ameg ma dayaya, nug oo bodoettak ele gu tatamnu, gu dimnu ele ameg mette.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

2 Pita 1:6

Amu ag akka ahilag oiyak pehettak atognoak kobol aon, doyak ele ouaqateg! Amu ag uug doonna eɗidkkulagnuib dabmekkulagnu kobol aon, ag akka ahilag oiyak pehettak atognoak kobol ele ouaqateg! Amu ag genab tutukku hak kobol aon, ag uug doonna eɗidkkulagnuib dabmekkulagnu kobol ele ouaqateg!

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte