Rom 12:10 - Nobonob Baibel

¹⁰ Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 12:10 ပူးပေါင်းရင်းမြစ်များ

Genesis 13:9

Wan okkai niitte amunu, i aben laippuppa ii daamɗa. Na amen humana, neegppe ukkeb, atu oh antte! Anidna amu, na nanehppa gokkut, da naɗiap-ppa gokkul. O iitta, na naɗiap-ppa gokkut amu, da nanehppa gokkul,” awa aum.

Job 1:4

Amu Job bekkod ag anen anen ahilag haenppa ag laulkadppa hobul heppig. Ag anen anen anam henana, ag hobul heppig haen amu ohppa ag appinalkad ele onilagppa eeg doeg, ag oh daan, ee, le ele lappig.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Jeremaia 38:12

Ag anam hena, Ebetmelek, nug Kus danab, nug Jeremaia amegppa aum. “Muɗi beɗun heeb nauhmanu, na lamen alag, amu lamen nauhna autna aoppig ele imu aon, eppen waappa dibittinppa mee!” awa aum. Ebetmelek nug anam a, Jeremaia nug anam he,

Matyu 20:26

Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb amu, nug ahilag maɗi nid dayaɗ!

Luk 14:10

Amge haen danab laa nug hobul amuppa gokkutnu na oninppa eeb amu, na gona, na laa dimulagppa daye! Na anam daappe, danab oninppa eum ele nug geha amenppa, ‘Lai na uɗin balal anuqak laa imuppa daye!’ awa akku. Nug anam heeb amu, na geha ee lanakppa danab oh noolagppa am na binan ele daakkut.

Jon 15:17

Da haknunab imu iikku ag madattem; ag akka akka dilagnu, ag oo mauhak doyeg!!

Jon 17:21

O Mame, na dahilppa daattem, da nahip-ppa daattem, amubia ag oh laippu daaglagnu unuqidttem. Amu laa ele, wanppan danab ah wannu kobol dim lamadtteb ele ag na da meiɗe uɗimi oolagppa genab dooglagnu amu, dahilad ag ihinihppa daaglagnu ool daatte.

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

1 Tesalonaika 4:9

Amge layagnu oo mauhak kobolnu amu, da nai laa yaakkulnu uɗat laa ii daatte. Keeke amunu amu, Kayak Nug ag ippuanatta malom.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

1 Jon 4:11

O gamalad, Kayak Nug ihinignu anam oo mauhom amunu, ig ele nug oo mauhak kobol genab hekkunig daatte.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.