Rom 11:7 - Nobonob Baibel

^7-8 Amunu ig aɗi akkunig? Israel danab kuɗum ag Kayak noobppa genab tutukku hak danab daaglagnu, ag amu aoglagnu oolag unuqagppanu heppig amu, ag ii aoppig. Amge laa, Kayak Nug tituanattom ele, ag tutukku dayak amu aoppig. Laa oh amu, Kayak he, ahilag dabmak am ɠagattag eppom. Kayak nai amunu am inam. “Kayak he, ag oolag amu dabmak ahilag ele niiak bia daappig. Nug he, ag amelag neekkaknu elele iitta daaegeg, daulag ele nai dooglagnu elele iitta daappig. Ag anamib daaeg uɗie, gemu ele anamib daatteb.”

Rom 11:7 ပူးပေါင်းရင်းမြစ်များ

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Aisaia 44:18

Danab ag anam hetteb ele, ag dabmak iitta. Ag keeke laa ⌊unuqagnu⌋ diignu doyak tutukku iittanab. Aɗinu? Ag danab nug ameg hautaknab, keeke iinab anidtte, ag amubia keeke genab anidna dooglagnu elele iitta. Od manak dayeye, danab nug lag ooppa gokkunu ib iitta, amubia dabmak tutukku ahilag dabmakppa gokkunu ib iitta amunu, ag diignu doyak tutukku laa aoglagnu elele iitta.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Mak 6:52

Aɗinu? Ag Jesus bretppa kobol heum amu ag oolag ii maittom. Ag ahilag dabmak ituak dayom.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Jon 12:40

“Nug danab amu ag amelag he gaɗuom, ag oolag ele he, ɠagattag eppom amunu, ag amelagppa keeke laa anidna, oolag eɗueb, oolag tutukku dabmedappeg, da ag bappaladkkulnu elele iitta.”

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Rom 11:5

Amu bianab haen imuppa ele Israel oolagppan ameg laa Kayak Nug ag ehanittak okkai hamu madatta tituanattom.

Rom 3:9

Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

Rom 6:15

Amunu ig attem hekkunig? Ig ɗo waappa ii daattem, ig Kayaknu ehanittak okkai hamu megatte waappa daattem amunu, ig hipunin hekkunig am iittate? Iittanab iitta!

Rom 9:18

Amunu ig doottem, Kayak Nug danab laippu laa nuhignu oo gai-iitta doya oo metta ehanidkkunu oo hette amu, Nug aakku anamib hette, o iitta Nug heeb, danab laanu dabmak ɠagattag ebakkunu oo hette amu Nug aakku hette.

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

1 Korint 10:19

Nai imuppa amu da aɗitai attem? Da doɗ mana kayak hambuppuak dottog mettak am keeke genab attemte? O kayak hambuppuak dottog, nug am keeke genab attemte? Da anamte attem?

2 Korint 3:14

Amge Israel danab ag dabmak ahilag am ɠagattag eppom daatte. Anukkanu uɗie gemu ele anam. Ag haen amu oh tituanak alagnu yaak amu ag ebqeppig, gemu ele ebqetteb, amge ag amunu meunab ii dooppig, gemu ele ii dootteb. Danab nug iɗu am iɗu hautaknu lamen qattippa hautak daatte, ahilag dabmak am amubia ina daatte. Ag ii aotteb. Iitta. Danab nug Kristusnu ooppa genab dootte dayeb, Kayak Nug lamen amu maut-tte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

Pilipai 1:18

Amge amunu am nai iitta. Kobol ohppa, hambuppuak kobolppa, kobol genabppa ele, ag Kristusnu nai mehuqtteb amunu, da maɗoɗppan gamag ahak doottem. Yo, da geha maɗoɗppan gamag ahak eleib doyeye daakkul.

Hibru 12:17

Aɗinu? Ag dootteb bia, dimppa Esau nug Aisak eppegppa itittak ena aokkunu heum, amge nug elele iitta dayom. Esau nug itittak ena aokkunu gayak huana heum, amge nug ib nakoknab laa ii anttom.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.