Rom 11:25 - Nobonob Baibel

²⁵ O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Rom 11:25 ပူးပေါင်းရင်းမြစ်များ

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 22:27

Wan oh geha Yawe doona, Nug dim lamidkkulag. Yo, danab ah wan ohppan ag Nug noobppa dup nokkulag.

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 26:16

Danab bahi iittanab nug, “Da doyak dabmak ena ele aɗe oittem,” nug anam dootte; amu nuhig dabmakppa nug oɗmaknu nai nob mettenu amu, nuhig nob mak amu danab eblaih aɗit ele, ag laan neekkakppa, dabmak eheɗ laa ii aomanu kobol dim lamidtteb ele amu, nug nuhig dabmakppa nuhig oɗmaknu nob am ahilag oh eɗidtte.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 11:12

Amu ag ib apiɗidppig amuppa Kayak Nug wanppanu danab oh dilagppa ehanattak okkai hette. Ag Kayaknu kobol ena uuppig, amuppa Kayak Nug iitta aɗi dilagppa kobol enanag hette. Anam amunu, Israel ag eɗun Kayak toppa dokkulag haenppa amu, geha wanppan danab ag enanag daaglag.

Rom 11:24

Doyeg! Ag iitta aɗi ag anukka amu ag olip ad dakkuɗ eppekkud daaegeg, Kayak Nug olip ad amuppanu ag otakkatta diia, dattanu olip ad, amuppa tuɗittom. Ad amuam ahilagnab iitta. Israel ag am dattanu olip ad eppekkudnab bia amunu, Kayak Nug ag diia, eɗua tuɗitteb daaglagnu elelenab daatte. Kobol Kayak heum am adppanab nukka hamu anambia ii bette, amge Kayak nug ag iitta aɗi, ahilagppa kobol adppa ii bette, Nug ahilagnu amubia he beum.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

Rom 9:18

Amunu ig doottem, Kayak Nug danab laippu laa nuhignu oo gai-iitta doya oo metta ehanidkkunu oo hette amu, Nug aakku anamib hette, o iitta Nug heeb, danab laanu dabmak ɠagattag ebakkunu oo hette amu Nug aakku hette.

1 Korint 10:1

O lailad, ig alankad ag keeke anidppig ele amu, da ag amunu dabmenana oiglagnu ool daatte. Ig alankad aɗi ag lombig waappa oinna, ag baelagppa Le Kokoɗ mataɗppig.

1 Korint 12:1

Aria, keeke laa imu ele iikku yaakkulnu hettem. O lailad, Kayak Ouɗinu ɗo hamu mettak Nug megatte amu, da ag amunu oolag maidkkunu ool daatte.

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Epesus 3:9

Ao, Kayak Nug keeke oh hattom ele, Nug nuhig dabmak, iitta aɗi dilagnu, amu lokkume dayom. Dabmak amu nug lokkumak haen oh daattom, amge gemu Nug da nuhig dabmak amu miag mehuqkkulnu; Nug uɗat amuppa meiɗom.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

2 Pita 3:8

Amge keeke laippu imu amu, ag aib daulag atiom. O lailad, Naɗinu neekkakppa amu deɗ laippu amu maɗ 1,000 ele otiak laala ii daatte. Iitta. Nuhig neekkakppa Nug haen aɗit amu laippuib bia dootte. Maɗ 1,000 amu deɗ laippu bia daatte, amu deɗ laippu amu maɗ 1,000 bia daatte.

Revelesen 1:20

Na da eppel naɗiap-ppa hoɗoppai eblaih aɗit ele anidme, lam maknu balal eblaih aɗit ele, ele anidme amu, amunu diig am inam. Hoɗoppai eblaih aɗit ele am Kristen tamaniak eblaih aɗit ele, amu dilag ikki danab. Lam maknu balal eblaih aɗit, amuam Kristen tamaniak eblaih aɗit amu aakku,” awa aum.

Revelesen 10:7

Iitta. Haen engel ebqak 7 nug trampet nuhig iwaleb amu, Kayaknu nai lokkumak niiom, Nug nuhig maɗi nid propet, Nug ag amelagppa aum ele amu, haen amuppa nai amuam meu okku,” awa aum.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.