Rom 11:20 - Nobonob Baibel

²⁰ Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Rom 11:20 ပူးပေါင်းရင်းမြစ်များ

2 Stori 20:20

Aria anam heeg ukke, deɗ amu uue, deɗ amu wagɗe, Juda dilag daup ag ahan, atu taɗak onig Tekoa, ag appa gokkulagnu goppig. Ag gokkulagnu daaegeg, Jehosapat nug aha, danab ah amelagppa aum. “O Juda danab ah oh, laa ag Jerusalemnu, laa ag Juda wanppa laih laihnu, ag dahil nai doyeg! Ag Yawe, ahilag Kayak, ag nuhignu oolagppa genab doyeg! Ag amu hekkulag dayeb, Nug heeb, ag ɠagattag qak daaglag. Ao, ag nuhikkud propet nainu oolagppa genab doyeg! Ag amu hekkulag dayeb amu, ag aɗi hekkulagnu hetteb, amuam meu okku.” Jehosapat nug anam awa aum.

Sam 138:6

Yawenu binag amahalak oppiaawak ele am okkainab amunu, Nug attannab daatte me, nug danab ah ag akka onilag qeeg nette ele, Nug amu dilag dabmette. Nug amu dilag dabmette, amge Nug dada danab ah umanabnu doyadtte; ag lokkumkkulagnu elele iitta.

Prowerb 28:14

Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Aposel 18:6

Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Rom 11:18

Amge ag eppekkud otakkattak, hamu daatteb ele, ag amu dilag nai eheɗ aib appig. Ag nai eheɗ amananu amu ag dabmena autna aweg! Ag diɗi ii gumatteb. Iitta. Diɗi ag gumadtte. Ag am eppekkudib daatteb.

Rom 11:21

Aɗinu? Anukka Kayak Nug dattanu olip ad eppekkud qiialatta awe, abenlagppa ii daappig, amubia ag, ag am olip dakkuɗ eppeg bia amu, ag ooppa genab doyak uuppeg, Nug ag uuatteb, abenlagppa ii daamna.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!

1 Korint 15:1

O lailad, da ahilag dabmak Nai Enanu maɗedakkulnu hettem. Da tatam digmakppa Nai Ena amu mehuqi, ag Nai Ena amu doon aɗan, oolagppa genab doon, amuppa ɠagattag daatteb.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Kolosi 2:7

Ag nuhigppa ad wanppa ɠagattag hibaitta daatte bia ɠagattag dayeg! Ag nuhigppaib ɠagattag aweg! Ag Kayak amegppa, “Ena hen mekkame,” okkainab anana, laa ag ooppa genab doyaknu nai ippuanatteg, ag oolagppa genab dooppig, ag heppeg, ooppa genab doyak amu ɠagattag dayaɗ!

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Hibru 3:19

amunu, ig anidta doottem, ag oolagppa genab ii dooppig amunu, ag Kayaknu hik awak aoglagnu elele iitta.

Hibru 4:11

Amunu ig ele hik awak amu aot daagnignu Kayak Nug amunu aɗi atte amu ig hetu! Ig anukka Israel ag Kayak oɗe tappaeg neum bia padal mekkunignu ii hemata.

Hibru 4:6

amunu, ig anidttem, danab ag hik awak aoglagnu elele, amge danab ag anukka Nai Ena doona, tappaeg ne, ag nona Kayaknu hik awak ii aoppig, amge hik awak amu babaittom daatte amunu, laa ag aoglag.

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

1 Pita 5:9

Amu ag ooppa genab doyak ahilag ɠagattag aɗan daanna, ag Satan aɗi eheɗ hekkulagnu eeɗadtte hemananu ag ɠagattag hippaidna dayeg! Ag dootteb, wan atu ohppa lailkad daatteb amu, ag ele guittak awak ag dootteb bia doonna daatteb.

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,