Rom 11:1 - Nobonob Baibel

¹ Amunu da oɗ mettem. Kayak Nug danab nuhikkud geɗattomte? Iittanab iitta! Da ele am Israel ted. Da amu Abraham buɗub, Israel dilag huu okkai Benyamin, amuppanu danab laa.

Rom 11:1 ပူးပေါင်းရင်းမြစ်များ

2 King 23:27

Yawe Nug inam aum. “Da kobol anukka Israel wanppa hemi ele amu, da kobol amuib Juda wanppa hekkul. Da geha lamadppi, ag appalag uun, wan laappa uma gona, da noolppa ii daamna. Da ele Jerusalem aab okkai, amu dahil mettid lag ele, lag amunu da, ‘Da onil am aguppa daakku,’ ami amu, da aab, lag amu ele dimatakkul,” awa aum.

Sam 77:7

“Naɗi Nug ig uuikka autanab awomtai? Anamib daakkute? Ge, Nug baula ihinignu ii helo bia me, Nug ehanikkak kobol iite ha ehanigkku?

Sam 94:14

Aɗinu Yawe Nug amu hette? Nug danab ah nuhikkud di-ii-mattama. Ao, Nug nuhikkudnab danab ah ii uuadma.

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Luk 20:16

Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 26:4

Pol nug nai amu ana, nug nai tuɗitta inam aum. “Da nid nakokppan uɗia gemu batak attem attem oimi amu, Juda okkai ag dootteb. Yo, da appal diig domippa amu Jerusalem appa ele, da attem attem oimi amu, ag dootteb.

Rom 11:11

Aria, nai anam daatte amunu, da baula oɗ mettem. Ag eheɗnab nena qeppig, amuppanu ag eɗun ii hippaidmanate? Iittanab iitta! Ag ib apiɗitteg, Kayak Nug danab laa, iitta aɗi, Nug ag diiom. Nug iitta aɗi eɗua diiomnu diig am, amuppa Nug heeb, Israel danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, ag Kayak baekkudppa daaglagnu dokkulag.

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

2 Korint 11:22

Totol danab hambuppuak amu ag am Hibru danabte? Aria, da ele am Hibru danab. Ag Israel danabte? Aria, da ele am Israel danab. Ag am Abraham buɗubte? Aria, da ele am Abraham buɗub.

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.