Rom 10:16 - Nobonob Baibel

¹⁶ Amge Juda danab dilagnu, ag ohnab Nai Ena imu ii aon dim lamidppig; laa aon dim lamidppig, laa am iitta. Propet Aisaia nug amunu inam aum. “Naɗi, aun nug ihinig nainu ooppa genab doyom?”

Rom 10:16 ပူးပေါင်းရင်းမြစ်များ

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Matyu 13:14

Amunu propet Aisaia, nug Kayak oɗe awa, nai mattiom, nai amu elele medatte. Nai amuam inam. ‘Ag nai daulagppa doon doon daaglag, amge nai meu am tutukku ii doomna. Ao, ag neegna neegna daaglag, amge ag diig tutukku ii anidmana.’

Jon 10:26

Amge ag am dahil aɗppanu sipsip iitta amunu, ag oolagppa genab ii dootteb.

Aposel 28:24

Nug nai mehuqe, danab laala ag doona, oolagppa genab dooppig, amge laala ag oolagppa genab ii dooppig.

Rom 1:5

Jesus, nuhigppa amu, Kayak Nug da iitta aɗi danab iɗu iɗu oh ag nuhignu oolagppa genab doon, nuhig nai dim lamidkkulagnu onilagppa ekkulnu Nug nuhig ehanittak okkai hamu megatte meɗa, da totol danab ele dayeye, totol uɗat hekkulnu meiɗom.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Rom 16:26

Nai lokkumak dayom ele, amuam genab lokkumak dayom, amge gemu propet dilag yaakppa nai amu aakku miag atiom. Amu Kayak hanhan daatte ele, Nug a, danab iɗu iɗu oh, ag oolagppa genab dooglagnu, ag Nug oɗe dim lamidkkulagnu nai amu ig mehuqttem.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

Rom 6:17

Ib aɗit amu oh daattep, amge ig ahilagnu Kayak amegppa, “Ena heme,” aot attem. Aɗinu? Anukka ag hipuninnu begbeg maɗi nid daappig, amge dimppa Kayaknu nai aon, ag nai amu dim lamidna autna aotteb.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Galesia 5:7

Anukka ag am ena oippig. Am aun nug ib oo ne, ag doyak diig genabib baula ii dim lamidtteb? Nug attem he, ag amu uuppig?

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

1 Pita 3:1

Amubia ah ag danab ele amu, ag gamulkad waalagppa daanna, kobol enaib heig! Ag anam hekkulagnu diig am inam. Danab ahilkad oolagppanu laala ag Kayak nai ii dim lamidtteb dayeb amu, danab amu ag waalkad ag Kayak pehettak binag mena daanna, kobol oppiak ele dim lamidna oitteb anidna, anttak amuppa, ah dilag nai mattiak iittappa, ag oolag eɗueb, oolagppa genab dooglagtai.