Rom 1:32 - Nobonob Baibel

³² Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 1:32 ပူးပေါင်းရင်းမြစ်များ

Sam 50:18

Haen na yab danab laa anidna amu, na nug ele layam batatep. Na danab ag laa waalkad ele niitteb amu, na amu dilag ele laippu daattem.

Prowerb 28:4

Laa ag Kayaknu ɗo dim lamittaknu uutteb, ag nau hak danab onilag okkai madatteb; amge aun aɗi ag Kayaknu ɗo dabmettan dim lamidtteb ele, ag nau hak danab eheɗ hemanu wagai metteb.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Luk 11:48

Ag kobol amuppa ag mamelkad aɗi anukka heppig, ag amunu oolag ena dayeye danab ah ippunadtteb. Ag mamelkad aɗi ag Kayaknu propet aqaeg mauhppig. Ag gemu daatteb amu, ⌊ag mamelkad aɗi bia, ag ele oolag ena iitta amunu, ag ahilag uɗat tuɗidna,⌋ ag propet dilag matmat bappaidtteb.

Aposel 22:20

Amu anukka haen ag Stiven qeeg mauhom, nug am laa heehe anttomnu mattiak danab nahip amu, haen amuppa amu da daaiyi, ag nug qeeg mauhom amu, da amunu ool ena dayom. Amu ele da danab Stiven qeppig, amu dilag lamen amu da gumami.’ Da anam ami.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Rom 1:18

Danab ag hipunin digdig, eheɗ hak digdig ele henana, ag amuppa doyak diig genabib heeg miag atiak ii dayeye, Kayak Nug hab aabppanu heehe, nuhig oppoɗi bak aakku miag atiak daatte.

Rom 1:21

Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

2 Tesalonaika 2:12

Danab ah amu ag doyak diig genabibnu oolagppa genab ii dooppig, ag nau hak kobolnu enanagnab dooppig ele, ag anam hena, ag nob nau aoglag.