Rom 1:30 - Nobonob Baibel

³⁰ layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Rom 1:30 ပူးပေါင်းရင်းမြစ်များ

1 King 20:11

Nai awa ukkak danab amu ag Benhadatnu nai amu Ahap amegppa aeg, King Ahap nug eɗua ag amelagppa aum. “Ag eɗun gona, Benhadat amegppa inam appeg doyaɗ! ‘Danab nug ban ha, kekeɗ eɗitta mala, nug bannu bala uɗaɗa, nug aɗi keeke okkai heumnu akkunu elele, amge danab nug bannu bala geha iikku mette amu, nug amubia aib heum!’ ” awa aum.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

2 Stori 25:19

Amu na nakka, na amenppa, ‘Da Edom dilag daup eɗadmi,’ anana, gemu na dada danab, beɗuppa tak danab ele daattem. Na anam doon oittem, amge na da ele ban hekkunihnu aib heme. Na nahip wanppa daye! Aɗinu na eheɗ nidakkunu hettem? Aɗinu na heppe, na, Juda ele nena qekkulag?” Jehoas nug nai amu Amasaianu eɗua me ukkom.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Sam 106:39

Ahilag hak nau amuppa, ag Kayaknu neekkakppa, ag oolagppa dubuttid tak ele daappig. Ag dottog hattak dilagnu dup nona binalag meppig, amuppa ag Yawe amegppa laa nug gappai awom bia heppig.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.

Sam 5:5

Beɗuppa tak danab ag na noomppa ii daamna. Ao, na danab ag kobol nau hetteb ele, na ahilagnu nau ninig ele doottem.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Sam 94:4

Ag am beɗup tak danab nau daan, ag beɗup tak danab ah nau bia nai maditteb. Ao, nau hak danab ah ag dada danab dilag nai mattinna daatteb.

Sam 97:7

Amu danab ah ag kayak hambuppuak dottolkad noolagppa dup nona binalag metteb ele, ag uɗa nak dooglag. Ao, danab ah oh ag ahilag kayak hambuppuak binalag metteb, ⌊ag uɗalag nekku⌋. Ag kayak hambuppuak oh, ag Nug noobppa dup nona binag meig!

Sam 99:8

O Yawe, ihinig Kayak, na ag oɗelagppa aome. Na am Kayak uhuqak madattem, na amu ippunadme, amge ag eheɗ ukkaeg, na ele ag bu mattame.

Prowerb 24:8

Danab nug eheɗ hekkunu maittak aotte amu; laa ag nuhignu, nug keeke laa hekkunu lokkumakppa dabmaama maittak eheɗ awak danab daatte dooglag.

Prowerb 25:23

Gu haenppa gu genab nettebia; laa nug layagnu nai nau maditte amu, layag nug genab oo nauhtte.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Eklisiastis 7:29

Imuib da mattie antten malami. Kayak Nug danab he, ag genab tutukku hak danab daappig; amge danab ag dabmak nau kuɗum dim lamidna, gemu ag eheɗ oitteb,” awe attem.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Namba 10:35

Amu haen danab ag Tituanak Nainu Kunup maoppig ele amu, ag haen tutu dayaknu aab kalakppanu ahaeg, Moses nug aum. “O Yawe, na heppe, kekeɗ ag oolna, matatun gokkulagnu ool daatte. Ao, na heppe, danab ag nahipnu nau ninig ele dootteb ag na noomppanu oolna, nahipnu umanab gokkulagnu ool daatte.” Moses nug anam awa aum.

Matyu 15:4

Kayak Nug ɗo inam ma aum. ‘Na mamen, anin ele binalah mate!’ Amu Nug inam ele aum. ‘Danab nug anig, o mameg eheɗ laa aokkunu anak waappa daakkunu akku dayeb amu, ag qeppeg mauhaɗ!’

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Luk 21:16

Haen amuppa ag mamelkad, anilkad, awalkad, amalkad, lailkad, buɗulkad ele amu, ag geha ag diin, kekeɗ eppelagppa maadkkulag. Amu geha ag oolagppanu laala aqappeg mauhkkulag.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Aposel 5:36

Aɗinu? Ag imu dootteb. Matu haen Teudas nug aha, ‘Da danab okkai,’ ana, nug nukka binag ma hambuppualatta he, danab 400 ag ahan dim lamidppig. Amge gabman nug Teudas qe mauhe amu, danab ag nuhignu oolagppa genab dooppig ele, ag ele matatun ukkaeg, nuhig uɗat aakku iitta meum.

Rom 2:17

Amge ag akka ahilagnu amu attemu? Ag, “Ig Juda danab,” anana, ag ɗo tutukkunab dim lamidna, enaib daaglagnu dabmena, ag akka akka ag onilag humanna, “Ig am Kayaknu danab,” anana,

Rom 2:23

Amu ag akka onilag human atteb. “Ig Kayaknu ɗo doottem,” aon atteb amunu, aɗinu ag akka ɗo tippaltteb? Ag kobol anamppa ag laa dilag neekkakppa Kayak onig heeg nauhtte.

Rom 3:27

Anam daatte amunu, ig ikka oninig humagnignu ib adekku daatte? Ib amu laa iitta. Ib amu matu keldoum daatte. Amu aɗi keeke ib amu keldoum? Amu ɗo dim lamittak kobolte? Iittanab! Ooppa genab doyak, kobol amu ib amu aakku keldoum daatte.

2 Korint 10:15

Ig anam mehuqtata, ig uɗat danab laala heppig, danab laa nug ag ena heppig, o ag ena ii heppig akkunu elele iitta amu, ig attem heta, ig oninig humagnig. Iitta. Ig geha ag Korint, ag ahilag ooppa genab doyak ɠagattag beeb, ig ag oolagppa uɗat hettem amu ba, okkai tuɗitta elele daakkunu hettem.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 7:10

Amge laa ag nau ninig ele nuhignu dootteb amu, Nug pahanab ag bu madatte. Ao, Nug laa ag nau ninig ele nuhignu dootteb amu, Nug paha heeb, ag nauhkkulag.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

2 Timoti 3:2

Danab ag akka akka ahilagnu, amu men doɗonu ele oolag mauhkku. Ag akka beɗulag humana, ag dada kobol hena, dabittak nai ele mattiglag. Geha ag anilkad mamelkad oɗelag tabappeg neebeb, ag anen anen ag laanu, “Ena hen meɗame,” ii doomna. Ag oppiaawak ii oimna.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Jems 3:5

Amubianab danab lemaɗu am nug beɗu laih laala oh oolagppa keeke nakok, amge nug keeke okkainabnu hamu naiib maditte. Aria ag dootteb, aab atokkak nakoknab nug atuppa ewa naɗinab ma, ad oh ewadkkunu elele.

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.