Rom 1:29 - Nobonob Baibel

²⁹ Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Rom 1:29 ပူးပေါင်းရင်းမြစ်များ

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Prowerb 16:28

Danab eheɗ haknu nug tiigppa daatte, nug he, danab laa oolagppa nug qak ahatte; danab nug laanu dimug nai mattiaya oitte, nug laa ag layam ena daan oitteb amu he, ahilagppa uug be, layam ena pagutteb.

Prowerb 26:20

Aab ewewe, aab iitta me, aab aɗu qauhtte; amubia, laa nug dimug nai ii maditte dayeb amu, nug mehqak iitta mette.

Sam 41:7

Laa oh ag dahilnu nau ninig ele dootteb, ag otiptip-ppa dahilnu nai nau maditteb. Ag da guittak meɗaglagnu dabmetteb.

Rom 3:10

Kayak naippa, nai amunu daatte am inam. “Danab laippu laa nug genab tutukku danab ii daatte. Iittanab!

Matyu 5:32

amge da ag amelagppa attem. Danab aun nug wau ewau pakkua gappai ii heum ele, amge danab nug ewau ahilah otaɗtte, amu ah amu nug danab laa aotte dayeb amu, nug gamu tatamnu aakku he, ah nug ewau pakkua gappai hak kobol hette. Aria, danab nug ah amu dimppa aotte amu, nug ele ewau pakkua gappai hak kobol hette.

1 Timoti 3:11

Amu ag waalkad ele ag ah danab laa ag ahilagnu ena elele dooglagnu elele daanna, ag baeg qak nai ele aib madippig. Ag tutukku oinna, amu ag hambuppuak kobol laa ele ii hemana.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.