Rom 1:25 - Nobonob Baibel

²⁵ Danab anam amu ag Kayaknu nai doyak diig genabibppanu uun baolin, ag nai hambuppuak aoppig. Amu ag keeke Kayak hattom ele, ag keeke amu noolagppa dup nona binalag mena, amu dilag uɗat hena, ag waalagppa daanna, ag Kayak, Nug am keeke ohnu diig daatte ele, ag Nug dimedappig. Kayak amu, ig hanhan Nug binag metu! Genab.

Rom 1:25 ပူးပေါင်းရင်းမြစ်များ

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Jeremaia 13:25

Anamib ahilagppa ana bekku. Da amu bekkunu aakku ain malami. Ag dahilnu daulag atie, ag kayak hambuppuak dilag oolagppa genab dootteb

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Amos 2:4

Yawe Nug inam atte. “Juda danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag da, Yawe, ag dahil ɗo dimedappig. Ao, ag dahil ɗo dim ii lamidppig. Ag amu henana, ag kayak hambuppuak dim lamadkkulagnu eeɗak doon, dim lamadppig; kayak hambuppuak amuam ag mamelkad aɗi kayak hambuppuak dim lamadppig, am kayak amuib.

Habakuk 2:18

Kayak hambuppuak dottog danab nug eppegppa hoitte amu, dottog amuam danab ah attem ehanadkku? Ao, kayak hambuppuak dottog silwappa, o golppa hak, danab ah doyak hambuppuak ippunadtte amu, keeke amuam danab ah attem ehanadkku? Aɗinu? Auntai nug bappaidtte ele amu, nug keeke nugib eppegppa heumnu ooppa genab dootte. Nug hette am keeke nai madikkunu elele iitta.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Jon 2:8

Hanak ambeeg, Nug aum. “Laa itappeg nob, aon gona, ee gumak danab okkai metteg!” awa aum. Nug anam a, ag aon gona,

Rom 1:18

Danab ag hipunin digdig, eheɗ hak digdig ele henana, ag amuppa doyak diig genabib heeg miag atiak ii dayeye, Kayak Nug hab aabppanu heehe, nuhig oppoɗi bak aakku miag atiak daatte.

Rom 1:23

ag Kayak ii mauhtte, Nug binag amahalak oppiaawak ele, ag Nug dimettan, baula Nug noobppa dup nona binag ii meppig. Ag baolina, danab mauhtte ele dottolkad, ai dottolkad, doɗ laala ele dottolkad, amu mat keeke dottolkad ele hattana, ag noolagppa dup nona binalag meppig.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

Epesus 3:21

Ge, ig Kristen tamaniakppa daat, Kristus Jesusnu daattem amu, amuppa binag amahlak oppiaawak ele Kayak, nuhigppa hanhan alet ele dayaɗ! Genab.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

1 Timoti 1:11

Kobol ag hetteb ele amu, kobol amu oh am Nai Ena binag amahlak oppiaawak ele, Kayak Nug da amu mehuqkkulnu meiɗom ele amu, ag Nai Ena ele laippu ii daatteb. Nai Ena binag amahlak oppiaawak ele, amuam Kayak nuhigppan uɗiom daatte. Kayak Nug anuqaknab, Nug binag okkai ele daatte.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

2 Timoti 3:4

Ag kadoi layag kekeɗ eppelagppa mak kobol, ahilag dabmak nau paha dim lamittak kobol, amu enaen mak kobol ele hekkulag. Geha ag beɗunu gamag ahak digdig kobol amunuib oolag mauhebeb, Kayaknu amu oolag ii mauhma.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.