Rom 1:21 - Nobonob Baibel

²¹ Amu ag Kayak dooppig, amge ag Nug am genab Kayak oolagppa genab ii doonna, ag Nug binag amahlak oppiaawak ii mettana, ag nug amegppa, “Ena heme,” aon ii appig. Iitta. Dabmak ahilag eɗua, dabmak tutukku iitta be, ag oolag ootot aqe, gatatu manom.

Rom 1:21 ပူးပေါင်းရင်းမြစ်များ

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

1 King 20:23

Ban tatam heppig amu, dimppa Aram dilag king Benhadat nug nuhikkud ehanittak anuqak danab ag inam amegppa appig. “Israel dilag Kayak Nug atu qaukonu Kayak amunu, haen ig ag ele qaukoppa ban hemut, Kayak amu Nug Israel ehanatte, ag ig eɗigppig. Amge aben uɗemppa ban helom amu, ig ag eɗadlom.

2 King 17:15

Israel ag Yawenu ɗo nai, tituanak Yawe he, Nug ag mamelkad aɗi ele ag nug tituanna nai qagappig, ag nai amu, amu nau aomnanu nai nuhig ele oh, Nug ag mattom amu, ag nai amu oh uuppig. Ag gona, kayak hambuppuak, keeke hamu, bau iitta ele, ag ag dim lamadnana, Israel ag akka am keeke hamu, kayak hambuppuak, amubia beppig. Anukka Yawe Nug ag danab ah ag guguattak daatteb, ag amu dilag kobol ii dim lamidmananunab aum, amge Israel ag nai nuhig tappaeg ne, amu henana, ag kobol nau amu dim lamidppig.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Sam 86:9

Naɗi, na danab ah wan ohppan hattame, ag uɗin, na noomppa dup nona binan mekkulag. Ao, ag na onin am binag amahlak oppiaawak ele mettaglag.

Eklisiastis 7:29

Imuib da mattie antten malami. Kayak Nug danab he, ag genab tutukku hak danab daappig; amge danab ag dabmak nau kuɗum dim lamidna, gemu ag eheɗ oitteb,” awe attem.

Aisaia 60:2

Aɗinu? Antteg! Gatatu wan atu laa oh tonom niitte. Ao, gatatu teppu ele danab ah oh tonattom niitte. Gatatu ag tonattom niitte, amge Yawe Nug ag Juda gumatta uɗiom daatte. Ao, nuhig binag amahlak oppiaawak ele am amahlak bia ahilagppa honaɗtte.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 2:5

Yawe Nug inam atte. “Ag mamelkad aɗi ag da Yawe, ag dahilnu eheɗ aɗi laa anidppig amunu ag da uuiɗna, umanab goppig. Ag kayak hambuppuak, danab ah ehanadkkulagnu elele iitta, ag dottolkad amu dilag dabmena dim lamidnana, ag ele hambuppuak bena, aɗi keeke genab laa hekkulagnu elele iitta daappig.

Jeremaia 9:14

Ag anam da ii dim lamiɗppig. Iitta. Ag da oɗel dim lamidmananu dabmak ahilag ɠagattag eppe, ahilag dabmak dim lamidkkulagnu dabmenan heppig. Ag mamelkad aɗi ag kayak hambuppuak Bal iɗu iɗu dim lamadkkulagnu ippunadppig, ag amubia dim lamadppig. ⌊Amu diig amunu uug amu oh aakku beum.” Yawe Nug haen amuppa oɗmak amunu nob ma, anam awa akku.⌋

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.

Esekiel 20:25

Da ag paɗatti, ag ɗo nau iɗu iɗu, ɗo amuam ag bau daaglagnu ehanadkkulagnu elele iitta, ag ɗo amu dim lamidppig.

Hosea 2:8

Nug da, da nug keeke oh mettami amu, nug amu dab-ii-meum, gemu ele dab-ii-mette. Da nug ee, wain bau, amu olip goɗen ele mettami. Gol, silwa huanak ele da mettai, nug kayak hambuppuak Bal noobppa dup noa binag mekkunu ukka, appa uɗat mettom. Keeke amu oh da nug mettami amu, nug da mettami dab-ii-mette.

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Rom 1:19

Nug amu hettenu diig am, danab ag Kayak Nug attem daatte, doyak amu oh amu lokkumak ii daatte. Iitta. Am miag atiak daatte. Aɗinu? Kayak Nug nukka ag ippuanattom daatte, doyak amu ahilagppa miag atiak daatte.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 11:10

Na ag amelag heppe gaɗueb, ag ii neegmananu oɗ medattem. Ge, na heppe, ag beɗulag bodoettaknab ele daaglagnu unuqidttem.” Dawit anam aum.

Rom 15:9

Nug amu heumnu diig laa am iitta aɗi ag Kayaknu oo gai-iitta doya oo metta ehanittak kobol anidna, Nug binag mekkulagnu ele heum. Kayak naippa, nai amunu inam daatte. “Amunu da na onin iitta aɗi danab ah oh oolagppa humakkul. Ao, da na onin humakkulnu ahi edakkul.”

Duteronomi 28:29

Ag geha amun haenppa gabotin oiglag, laa nug ameg gaɗuak ele gatatuppa gabotia gotte, ag amubia oinna, ag aɗi keeke laa hekkulag, amuppa aɗitai ena laa ii hemana. Danab laa ag hanhan eheɗ hattana, ahilkad keeke ele yab aoglag. Laa nug uɗia ehanatteb, ena daaglagnu laal iitta.

2 Timoti 3:2

Danab ag akka akka ahilagnu, amu men doɗonu ele oolag mauhkku. Ag akka beɗulag humana, ag dada kobol hena, dabittak nai ele mattiglag. Geha ag anilkad mamelkad oɗelag tabappeg neebeb, ag anen anen ag laanu, “Ena hen meɗame,” ii doomna. Ag oppiaawak ii oimna.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.