Rom 1:18 - Nobonob Baibel

¹⁸ Danab ag hipunin digdig, eheɗ hak digdig ele henana, ag amuppa doyak diig genabib heeg miag atiak ii dayeye, Kayak Nug hab aabppanu heehe, nuhig oppoɗi bak aakku miag atiak daatte.

Rom 1:18 ပူးပေါင်းရင်းမြစ်များ

Eksodas 23:7

Danab ag danab laa hettoɗiakppa mekkulagnu henana, ag nai hambuppuak nuhignu madippeg amu, aria ag laa amu, ag aib amu dim lamidna, nai amu ele madippig. Am danab tutukku nug eheɗ laa ii heum dayeb amu, aria ag nug hamu hettoɗiakppa mena, nug aib qeppeg mauhom. Aɗinu? Da ⌊Yawe, da⌋ danab nug beɗuppa aab ele amu, da nug hettoɗidppi, nug padal mekku.

Rom 1:19

Nug amu hettenu diig am, danab ag Kayak Nug attem daatte, doyak amu oh amu lokkumak ii daatte. Iitta. Am miag atiak daatte. Aɗinu? Kayak Nug nukka ag ippuanattom daatte, doyak amu ahilagppa miag atiak daatte.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 2:3

amunu na, na am danabib, na laipad laa kobol anamnu epeɗiadttem ele, amge na ele kobol nau anamib ele hettem amu, na attem doottem? Na nakka Kayaknu hettoɗiak eɗidna oolna gokkutnu elelete? Iitta.

Rom 3:9

Aria, attemnab? Ig Juda ig iitta aɗi danab eɗadta, enaib daattemte? Iittanab! Ig matu amut, Juda, iitta aɗi ele amu hipunin nug ig oh tonikkom daattem.

Rom 4:15

Ɗoppa keeke ena amu bekkunu elele iitta. Aɗinu? Ɗo nug Kayak oppoɗi bak he bette, amge ɗo iitta dayeb amu, danab ag ɗo tippalkkulagnu am elele iitta.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

Rom 5:9

Kristus ig ounig mauha, Nug tiig gokkaɗom amunu, ig ib amuppa genab tutukku hak danab bemut daattem. Aria, ig nau daautut, Kristus ehanikkom dayeb amu, gemu Nug Kayaknu oppoɗi bak, Nug ig amuppanu genabnab genab iite eɗua awigkku? Yo, Nug eɗua awigkku.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Kolosi 3:6

Danab ag kobol amu dim lamidnana, Kayak oɗe ii dim lamidtteb ele amu, diig amunu Kayaknu oppoɗi bak am ahilagppa nette.

2 Tesalonaika 2:10

nug danab ah, ag padal mekkulagnu oitteb ele, nug ib eheɗ digdigppa ag hambuppualadkku. Danab amu ag doyak diig genabib dooppig, amge ag uuppig. Ag ii uulob amu Kayak Nug eɗua diilo, amge iitta amunu, ag padal mekkulag.

2 Tesalonaika 2:6

Ag keeke laa gemu danab amu nug nuhig haen iittappa nemanu, nuhig ib oo neum daatte amu ag dootteb. Oo nak amuam anam dayeb ukkeb, Kayak Nug deɗ nuhig tituanomppa amu, danab amu nug deɗ amuppa miag atikku.