Rom 1:17 - Nobonob Baibel

¹⁷ Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

Rom 1:17 ပူးပေါင်းရင်းမြစ်များ

Esekiel 18:9

Nug dahil ɗo nai iɗu iɗunu oo metta ii uuak doyaya, pehettak dabmetta dim lamidtte. Danab anam amu, nug am genab tutukku hak danab; nug bau daakku.” Naɗi Yawe Nug anam atte.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Namba 21:9

Yawe Nug anam hekkunu a amu, Nug aum amubia Moses nug mat dottog brasppa ha, biidod igippa me dayeye, danab aun aɗi mat emalatteg, ag neekkeg ukke, mat dottog brasppa hak amu anidna, ag ii mauhppig. Iitta.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 3:21

Amge gemu Kayak Nug he, ig Nug noobppa genab tutukku hak danab ah daagnignu ib laa, ɗo nai, amu propet nai ele aa ib amunu mehuqpiɗ amu, ib amu miag atiom. Ib amuam ig ɗo dim lamidta, Kayak noobppa genab tutukku daagnignu, am ib amu iitta.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

2 Korint 3:9

Aɗinu? Ɗo nai, nuhig uɗat am nug ig epeɗikka, hipuninnu nob nau aognignu atte, amge nug am binag amahlak oppiaawak ele. Anam daatte amunu, nug tituana nai qakkak bau nug he, danab ah ag genab tutukku hak danab bena daatteb amu, amuam binag amahlak oppiaawak naɗinab iittate?

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Galesia 3:11

Laa ele amu Kayak naippa yaak laa daatte am inam. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku.” Anam daatte amunu ig imu doottem, danab laippu laa ɗo dim lamidtte, Kayak Nug danab amunu, “Genab tutukku hak danab,” akkunu amu ib laa iitta.

Hibru 10:38

Genab tutukku hak danab dahilad, ag dahilnu oolagppa genab dootteb amunu, ag bau daaglag. Amu laippu laa nug dimeɗakku amu, nuhignu amu da oolppa ena ii doopa.”