Rom 1:12 - Nobonob Baibel

¹² Da inam dabmettem. Ahilag ooppa genab doyak da ehaniɗeb, amu dahil ooppa genab doyak ag ehanadkkunu ool daatte. Anam dayeb amu ig oh oo ɠagattag qak aognig.

Rom 1:12 ပူးပေါင်းရင်းမြစ်များ

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Rom 1:11

Da ag anadkkulnu ool okkai daatte. Amunu diig am, da ag Kayak Ouɗinu ɗo hamu mettak laa madappi, ag oolag ɠagattag aqakkunu ool daatte.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 15:24

amu da geha wan laa onig Spen appa gokkulnu dabmettem amunu da appa ugekke, da tatam ag anattoya gokkul. Da ag ele appa nakok daat, ool meeb, ahilag ehanittakppa da Spen gokkul.

Rom 15:32

Anam dayeb amu Kayak Nug ele oo dayeb amu, da maɗoɗppan gamag ahak ele ahilagppa wain, ag ele haen tutu laa daapput, ig oh nug oo ɠagattag qak doognig.

2 Korint 7:13

Kobol eleleib ahilagppa daatte anidmut, amu diig amuppa ig oo ɠagattag qettak doottem. Ig diig amunu oo ɠagattag qettak doottem, amge amuib iitta. Keeke laa ele daatte. Amuam ag oh Taitus ɠagattag qettaegeg, nug gamag ahom, ig amu anidta, amu ig amunu ele enanagnab doottem.

Epesus 4:5

Aria Naɗi laippuib daatte, oonigppa genab doyak laippuib daatte, amu layattak ele laippuib daatte,

2 Timoti 1:4

Da ⌊na uuittitti⌋ na amen leb neum amu amelppa doodo, da maɗoɗppan gamag ahak ambak ele dookkulnu na gumitten gokkulnunab dabmettem.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.