Revelesen 4:4 - Nobonob Baibel

⁴ Aria, sia king 24 laa ag sia king ⌊anuqak⌋ amu talilidna daaegeg, sia king amu gamagppa dayom. Sia king oh ag anam daaegeg amu, ikki danab 24 ag sia king 24 amuppa daappig. Ikki danab amu ag lamen ahilkad hakkab ele, ag ikkilkadppa haɗ golppa hak aɗalatteg noeg, ag daappig.

Revelesen 4:4 ပူးပေါင်းရင်းမြစ်များ

Esta 8:15

Haen Mordekai nug king uuitta ukka amu, nug lamen enappa bala meum. Nug lamen king metteb ele, amuam lamen elab ed, hakkab ele, nug amu takka, igippa nug haɗ golppa hak okkai laa ma, amu lamen tatam takkom hautaknu nug lamen perpel ele, linen enappa hak ele meum. Aria, danab ah aab okkai Susanu ag ɗo nai yaak laa anidna, ag amunu oo gamag ahak dooppig.

Sam 21:3

Amu na nug gumidna uɗin, itittak ena kuɗum mettame. Na haɗ gol ena dubuttid iitta eleppa hak amu igippa meme.

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Revelesen 11:16

Anam aeg amu ikki danab 24 ag sia king ⌊anuqak⌋ talilidna, sia king ahilkadppa daatteb ele amu, ag laippun gatelag qaun ona, gomelna, iɗulag wanppa mena, ag dup nona, Kayak binag meppig.

Revelesen 14:3

Ag sia king ⌊anuqak⌋ noobppa hab daup waɗele Kayaknu bauklel aotteb ele, ag noolagppa amu ikki danab noolagppa ele ahi bau edappig. Laa oh ag ahi amu ettaglagnu am elele iitta; danab 144,000 Kayak Nug ag wanppanu danab ah oolagppanu ag hipuninnu qagaiettakppanu eɗua uhuqak heum ele, ag aakkuib ahiettaglagnu elele daappig.

Revelesen 19:14

Hab aabppanu ban danab ag ahilkad hos hakkab enanag qaɗelagppa daanna, Nug dim lamidppig. Ag linen lamen hakkab, oppiaawak ele ag beɗulagppa maadppig.

Revelesen 19:4

Anam aeg amu, ikki danab 24, amu hab daup waɗele Kayaknu bauklel aotteb ele, ag Kayak, Nug nuhig sia kingppa daatte, ag Nug noobppa gatelag qaun ona, dup nona, Nug binag mena appig. “Genab, anam dayaɗ! Ig Kayak binag metu!” aon appig.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Revelesen 4:10

ikki danab 24 amu ag laa, Nug sia king ⌊anuqak,⌋ appa daatte, Nug hanhan bau daatte ele amu, ag Nug noobppa gatelag qaun ona, Nug noobppa dup nona binag mena, ag anen anen ag ahilkad haɗ ag ikkilkadppanu aon, sia king ⌊anuqak⌋ guguittak maadna daaegeg, ikki danab ag inam atteb.

Revelesen 4:6

Aria, sia king ⌊anuqak⌋ noobppa le ameg laa, nuhig anttak am lettod bia, oppiaawaknab; men onig kristal bia dayom. Aria, sia king ⌊anuqak⌋ gamagppa dayeye, amu talilittak hab daup waɗele Kayaknu bauklel aotteb ele, ag beɗulkad taliliattak ohppa amelkad kuɗum ele, ag daappig.

Revelesen 5:11

Aria, da baula neekke, daul hume, engel tausen kuɗumnab amu milion kuɗumnab ele ag sia king ⌊anuqak⌋, hab daup waɗele Kayaknu bauklel aotteb ele, ikki danab ag ele oo mattan taliliadna daaegeg, baalag doyen anadmi.

Revelesen 5:14

Aria, hab daup waɗele Kayaknu bauklel aotteb ele, ag am, “Genab, anam dayaɗ!” aegeg, ikki danab ag gatelag qaun ona, ag dup nona Kayak amu Nug Bekka Jesus ele binalah meppig.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

Revelesen 6:11

Ag anam aeg amu Kayak Nug ag oh anen anen lamen elab hakkab madatta, amelagppa ag nakok laa ele hik aon daappeg, danab nau ag ag lailkad uɗat laippu wanppa daatteb, ahilag ebqak elele daakkunu aqappeg mauhppeg, ahilag ebqak elele dayeb, Kayak Nug danab nau amu nuhikkud danab oh tiilagnu nob eɗukkunu aum.

Revelesen 7:11

Amu engel oh ag sia king ⌊anuqak⌋, ikki danab, amu hab daup waɗele Kayaknu bauklel aotteb ele, ag amu oh taliliadna daaeg, ag oh sia king ⌊anuqak⌋ noobppa gatelag qaun ona, ag dup nona Kayak binag meppig.

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.

Revelesen 9:7

Aria, da tap-lokus anadmi amu, ag hos ban hekkulagnu daatteb amubia anadmi. Ag ikkilkadppa amu, haɗ golppa hak ele, keeke amubia daappig. Ag iɗulag amu danab iɗulag bia.