Revelesen 3:3 - Nobonob Baibel

³ Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

Revelesen 3:3 ပူးပေါင်းရင်းမြစ်များ

Esekiel 20:43

Ag amuppa daanna, ag ahilag hak nau, ahilag oiyak eheɗ ele, ag kobol amu heeg, amuppa ag oolagppa dubuttid teum daatte amu, ag amu dabmena, ag akka ag ahilag eheɗ hak amunu ag ahilagnu ag nau gahag bak ele dooglag.

Esekiel 36:31

Ag anam enaib daanna, ag tatam kobol eheɗ, kobol nau ele heppig dabmenana, ag akka ahilagnu ag hipunin heppig, kobol digdig, da kobol amunu oolppa uuaknab doottem, ag kobol amu ele heppig amu, ag amu oh heppignu akka ahilagnu oolagppa uuaknab dooglag.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Mak 13:33

Ag haen amu ii dootteb amunu, ag dabmenan dayeg!

Mak 13:36

Nug laippun eɗua uɗia, tula bekkutai amunu, ag niimnanu dabmeig!

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

2 Timoti 1:13

Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

2 Pita 1:13

Da amu hekkulnu am kobol tutukku doottem. Anam amunu, da bau daattem haen imuppa, da keeke amunu baubau ag amelagppa, dabmak ahilag maɗedakkulnu amu madikkul.

2 Pita 3:1

O lailad, imuam ad uɗug aɗit batak ahilagnu yaami. Uɗug aɗit ohppa nai yaami amu, ag tatam dooppig, amge da ag dabmak ahilagppa keeke amu oh genabnab dooglagnu, da dabmak maɗattak nai aakku yaami.

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.

Revelesen 2:25

Iitta. Amge ag keeke aoppig amu, ag amu ɠagattag aɗan daappeg ukkeb, da eɗue uɗikkul.

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.

Revelesen 22:7

Amu Jesus Nug aum. “Doyeg! Da paha uɗikkul! Aun nug Kayak nainu, buk imuppa niitte amu, nug amu dim lamidtte ele amu, nug itittak awom daatte,” awa aum.

Revelesen 3:11

Da paha eɗue uɗikkul. Laa nug nahip keeke ena, king haɗ bia amu, nug aomanu, keeke na aome amu na ɠagattag aɗan daye!

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Revelesen 3:2

Aib niime! Na ahan beɗun tatualna, kobol ena na nakok aɗalatte, mauhkkulagnu hetteb amu, na eɗun ɠagattag matte! Aɗinu? Nahip hak am Kayak dahil neekkakppa tutukkunab ii daatteb anidmi.