Revelesen 17:9 - Nobonob Baibel

⁹ Imu amu danab nug doyak dabmak ena ele amu nug dookkunu ippunigtte. Ikki eblaih aɗit amu qauko eblaih aɗit ippunigtte. Ib baag ah nug amuppa daatte.

Revelesen 17:9 ပူးပေါင်းရင်းမြစ်များ

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Revelesen 13:1

Anam daye amu, da doɗ dakkuɗ laa qeqeɗi eblaih laih ele, ikki eblaih aɗit ele, nug qeqeɗiudppa haɗ eblaih laih ele daappig amu, da nug yuppanu beebe anidmi. Nug ikkiudppa amu, onilag laala yaak ele. Onilag amuam Kayaknu dabittak nai.

Revelesen 13:18

Nai amunu amu, nai iikku am danab ah nai amunu doyak mattaknu nai. Doɗ dakkuɗnu ebqak am danab dilag ebqak amunu, laa nug nai diig tutukku doyak ele, nug doɗ dakkuɗnu ebqaknu ebqaɗ! Doɗ dakkuɗnu ebqak am 666.

Revelesen 17:18

Aria, na ah anidme ele, nug am aab okkai, nug wanppanu king oh ikkilag daatte,” awa aum.

Revelesen 17:3

Awa a amu, Kayak Ouɗi dahilppa ambe, engel nug omaiɗa, atu taɗakppa ukke, da ah laa nug doɗ dakkuɗ laa beɗu kokoɗnab qaɗeppa dayeye anidmi. Doɗ amu beɗu am, Kayaknu dabittak nai kuɗum yaak ele; nug ikki eblaih aɗit ele, nug qeqeɗi eblaih laih ele.

Revelesen 17:7

Da ottaien dabmak kuɗum anam aoiyi, amu engel laa nug da amelppa aum. “Na aɗinu na ottaina dabmak kuɗum aottem? Da geha ah amunu nai tonak, amu doɗ dakkuɗ ikki eblaih aɗit, qeqeɗi eblaih laih ele, nug ah amu maotte, amunu ele diig mehuqppi dookkut.