Prowerb 9:8 - Nobonob Baibel

⁸ Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Prowerb 9:8 ပူးပေါင်းရင်းမြစ်များ

1 King 1:23

Be, kingnu maɗi nid ag king amegppa appig. “Propet Natan nug uɗiom,” appig. Ag aeg, ⌊Batseba aha ukke,⌋ Dawit nug Natan dokkunu a, Natan nug king gumitta wana, gateg qaun o, gomela, iɗu wanppa meum.

1 King 1:32

Aakku King Dawit nug ⌊nuhikkud ehanittak amelagppa⌋ aum. “Ag gona, mana mettak danab Sadok, propet Natan, am Jehoiada bekka Benaia ele amelagppa appeg, ag uɗin, da aniɗkkulag,” awa aum. Nug anam a heeg, danab ewam ag king gumidna uɗippig.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 13:18

Danab nug tolittak awaknu uutte ele, gogtak nuhig am uɗa nak awa, daɗek ele daakkunu daatte; amge aun nug tolittak ena aotte, nug binag aotte.

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Prowerb 19:25

Na awa awa qettak danab bu eheɗ medakkut dayeb amu, laa doyak ii awak ele ag anidnana, ag eheɗ bemanu dabmak awa dabmak amu dim lamittaknu kobol doon aoglag; na danab diignu doyak tutukku ele daug batakkut dayeb amu, nug doyak ena, okkai ele aokku.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Prowerb 23:9

Danab nug Kayak dab-ii-maama ii dim lamidtte ele nug nahip nai, doyak dabmak ena elenu am, “Keeke hamunab,” dookku; amunu na nug ele aib nai madipiɗ.

Prowerb 28:23

Danab laa nug laa eheɗ heumnu daug batakku dayeb, danab ah ag danab nug daug batak heum ele, ag gog takppa nuhignu oolag elele daakku; amge danab nug oo eeɗaknu ittag nai maditte ele, ag nuhignu oolag elele ii daama.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Aisaia 36:21

Asiria dilag ban daup ikki amu nug anam aum, amge Juda danab ag nuhig nai dooppig ele, ag nob laa ii medappig. Hesekaia nug ag nai nob ii memananunab aum amunu, ag ii heppig.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.