Prowerb 9:6 - Nobonob Baibel

⁶ Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Prowerb 9:6 ပူးပေါင်းရင်းမြစ်များ

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Sam 45:10

O ah makkun, ⌊king aɗeg wan laappanu⌋, na daut human, da doiɗe! Ao, na da aɗi attem amu, na dabmettan autna awe Na danab ah nahipad, amu na appan uma elenu daut atiaɗ!

Prowerb 10:17

Laa nug tolitta bu mettak awawa oo eɗutte, nug laa ag ib attenppa bau daaglag, nug ag amu ippunadtte; amge laa nug nai ii dootte, nug bu awawa oo ii eɗutte, nug laa ag padal mekkulagnu ib ippunadtte.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 23:19

O bekkal, na doye! Na doyak dabmak ena ele dim lamitte: na ib apiɗidna laih wamananu, dabmak tutukku awe!

Prowerb 4:11

Da, na mamen, da na doyak dabmak ena ele ibuppa gokkutnu ulum medattem. Ao, da ib tutukku, amuppa omaitte gottem.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Prowerb 9:11

amunu na da, Doyak Dabmak Ena Ele dim lamiɗkkut dayeb amu, na haen elab wanppa daakkut. Ao, na da, Doyak Dabmak Ena Ele dim lamiɗkkut dayeb amu, da maɗ nahip tuɗidppi, kuɗum daaglag.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Aposel 2:40

Am Pita nug nau aomnanu dabmettak nai kuɗum laa ele nai mattiaya unuqattatta amelagppa inam aum. “Ag lailkad ag kobol nau hetteb, amubia ag aib heppig. Iitta! Ag oolag eɗueb, Kayaknu ehanittak aweg!” awa aum.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Revelesen 18:4

Amu da baula baag laa hab aabppanu doomi, amu nug inam aum. “Dahilad danab ah ag nug ooppanu uɗin, dimittim ippa doig! Iitta dayeb, ag nug ouqeppeg, ag nug ele nuhig hipuninppa daaglag, nuhig hipunin nob nau amu, ag nug ele aoglag.