Prowerb 8:5 - Nobonob Baibel

⁵ Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Prowerb 8:5 ပူးပေါင်းရင်းမြစ်များ

Sam 19:7

Yawenu ɗo am ena eleleib; am danab ah ehanatte, ag bauklel daatteb. Yo, danab ah ag Yawenu ɗonu genab elele dooglagnu elele; ɗo amu ag heeg, danab ah ag doyak ii awak daatteb, ag doyak dabmak ena ele aon daatteb.

Sam 94:8

Amge ag danab ah ag dabmak pehettak ii aon oitteb ele ag dabmeig! Ag danab ag Kayaknu ii dabmena, ii dim lamidtteb ele, ag haen gane laa ukkeb, ag danab ah doyak dabmak ena ele bena daaglag?

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 1:4

nug doyak ii awak ele daatte dayeb, nug eheɗ bemanu dabmak awa dabmak amu dim lamittak kobolnu doyak aokkunu, nid o nid ahin bau nug doyak, aria laanu neekkakppa nug dabmak eheɗ ii aomanu kobol ele aokkunu,

Prowerb 3:35

Yawe Nug he, danab ag doyak dabmak ena ele, ag binalag ele daatteb, amge Nug he, danab ag Kayak dab-ii-menan ii dim lamidtteb ele amu, ag uɗalag nette.

Prowerb 8:12

Am da, Doyak Dabmak Ena Ele, da laa, amuam Eheɗ Bemanu Dabmak Awa Dabmak Amu Dim Lamittak, da nug ele i lag laippuppa daattep. Da doyak ena, amu laanu neekkakppa nug dabmak eheɗ ii aomanu kobol ele aɗalat-ttem.

Prowerb 8:4

“O danab ah, da ahilagnu ettem. Ao, da danab ah oh dilagnu inam ettem.

Prowerb 9:4

Nug aun laa nug epeɗia ha dabmak ena awaknu kobol ii dootte ele amu, nug nug amegppa atte. “Aun laa nug doyak ii awak ele amu, nug dahilppa uɗiaɗ! Genab, nug ippa uɗia, ee dahil, wain ele bapaidmi imu lanaɗ!

Aisaia 42:13

Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.

1 Korint 1:28

Aria, Kayak Nug wan imuppan keeke onig iitta, keeke wan imuppan danab ag amunu ena iinab dootteb, keeke ag amunu hamunab dootteb, Kayak Nug amuppa heeb, keeke wanppan danab ag amunu keeke okkai dootteb ele, amu iitta mekkulagnu diia tituanattom.