Prowerb 7:8 - Nobonob Baibel

⁸ Nug am ib laa, ah ewau pakkua gappai hette ib amuppa daatte amu, nid bau amu nug ib amu, ib nug oitteppa ele oɗatleppa gukkuitta ukkom. Ao, nug ib amu awa noono, ah amu laug gukkuitta ukke anidmi.

Prowerb 7:8 ပူးပေါင်းရင်းမြစ်များ

Prowerb 5:8

O bekkalad, ag ahilag ɠagattag laa mattamnanu, ag laa nug laa guittak mettaknu uug ii dootte ele waappa daamnanu, ag ahilag en, ag en amu laa ag ii doyadtteb ele eppelagppa hamu mattamnanu, ag uɗat huanak henan en aona, ag en amu danab laa laulagppa memananu, ag ah ewau pakkua gappai hettenu ib oɗeppanu awaidna dayeg! Ao, ag aib nug laug od gukkuidna wappig.

Prowerb 7:12

⌊Nug danab laa nug ele niiglahnu anidkkunu amu,⌋ nug haen laala ibppa oitte. Ao, haen laala nug danab ah ag qagmetteb abenppa oitte. Haen laala nug ib oɗatleppa daatte.

Prowerb 7:27

Nug laug am mauhak moɗppa ukkaknu ib. Ao, amuam ib, danab nug amuppa ukka, nug mauhkku.

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Ikki Danab 16:1

Deɗ laa Samson nug Pilistia dilag aab Gasa appa ukka, tuqanppa am ib baag ah laa ele daapiɗ.